Rakuraku 樂拉麵 (利東街)

營業中

休息中

中午一個人去到，唔駛等位就入得到去，牆上有好大一幅可愛嘅貓貓日式壁畫，格局係幾張木凳圍埋一張木枱，常見嘅拉麵店咁，座位唔會太逼，同其他人有返少少距離感。點咗音如其店名嘅楽ヶ豚骨拉麵，拉麵特別在有自家製嘅炸蓮藕，係難得見到嘅配菜，適合點湯食，咬落去卜卜脆。配有木耳同一隻中熟嘅糖心蛋，個人本身比較鍾意冇咁熟，不過都覺得好好味，配肉食一流～～ 叉燒選擇咗豚肩，肥瘦均勻，只係感覺有少少偏乾；拉麵嘅硬度選擇咗適中，好似同外面嘅偏硬質地差唔多。湯底則是恰都好處嘅豚骨味，齋飲一口都唔會覺鹹，幾好。