Rakuraku 樂拉麵

Rakuraku Ramen
14
2
2
港鐵灣仔站 B2 出口, 步行約3分鐘 繼續閱讀
電話號碼
28183222
營業時間
今日營業
11:00 - 22:30
星期一至日
11:00 - 22:30
付款方式
Visa Master 現金 八達通 支付寶 微信支付
座位數目
40
其他資料
Wi-Fi
VIP房
泊車
電話訂座
外賣服務
加一服務費
海景景觀
Live Music
球賽直播
有關餐廳
Rakuraku樂拉麵
為配合灣仔利東街喜慶的氣氛,本集團誠意推出的全新品牌! Rakuraku乃快樂的意思,旨在為顧客帶來融合傳統與創新的滋味!特意請來日本隱世拉麵店主擔任顧問,確保不論湯底、麵條及配菜都能保持日本傳統做法。亦特意研發為香港人而設的新口味!此外,店內裝修添加日式元素,顧客恍如置身於日本地道拉麵店,品嚐不一樣的拉麵滋味。此滋味更快將由利東街,延伸至九龍灣Megabox,為九龍區的顧客提供更多選擇。

餐廳告示
新張期內,消費滿$250送餃子(5隻)
2018-11-16
優惠券:消費滿$250送餃子(5隻) 條款及細則 1. 只適用於惠顧堂食 2. 不可與其他折扣及優惠同時使用 3. 不可兌換成現金及其他產品 4. 落單時請向店員出示此手機屏幕 5. 如有任何爭議,Rakuraku樂拉麵保留一切最終決定權 詳情
招牌菜
樂樂豚骨叉燒拉麵 辛辣豚骨叉燒拉麵 黑麻油豚骨叉燒拉麵 特濃櫻花蝦蝦湯叉燒拉麵 秘製香蔥塩味叉燒拉麵 大盛叉燒炸雞拉麵
食評 (19)
等級4 2018-12-11
10 瀏覽
利東街亮起天使聖誕燈飾,加上有飄雪效果,非常有聖誕氣氛。但人潮如鯽兼氣溫驟降,先躲入拉麵店中醫醫肚。大盛叉燒炸雞拉麵  ($88)拉麵入面有很多材料,份量十足!先呷一口湯底,唔~是濃郁的豬骨味,就像是媽媽的老火湯,豬骨湯骨膠原豐富,飲完嘴巴有點黏黏的,但又不會有油膩感。拉麵是幼身的,點選了「較硬」的麵質,麵質爽口而煙韌,而且好吸湯。值得一讚的是拉麵沒有鹼水味,相當討好。溏心蛋的蛋白好水嫩,蛋黃有溏心效果,而且滷得相當入味。叉燒外層帶點焦香,塊塊肥瘦相間,好軟腍,差點入口即化,不像一些拉麵店般做得很柴。而且沒有油膩感。炸雞的外層炸得比較深色,但又不是焦了,炸粉好薄很香口。而雞肉則好juicy.拉麵中有數片炸蓮藕,好特別,相當香脆。拉麵本身沒有附上海苔,特意點了一客($12)。一客有六片。紫菜浸湯來吃,非常匹配和美味。特濃櫻花蝦蝦湯叉燒拉麵  ($88)點點的櫻花蝦撒在拉麵上,賣相相當吸引。湯底呈棕紅色,面層氾起點點蝦油,單看賣相就知道蝦味是何等的濃郁。味道鮮甜,不會過鹹,配襯拉麵亦非常好吃。麵條跟配料與上述的大同小異, 就是少了炸雞而已。炸芝士蝦球(5件)  ($42)個子小小的芝士球,外層炸得金黃香脆。內裡的芝士煙韌,有牽絲的效果。惟芝士味不濃。蘸點他他醬同吃,增添滋味。 繼續閱讀
(以上食評乃用戶個人意見 , 並不代表OpenRice之觀點。)
當晚,為了走到灣仔利東街影天使聖誕燈飾裝飾! 所以,我們便走到這條街找找餐廳醫肚! 找到一間新餐廳 <樂拉麵>!食拉麵預計一小時便食完,食完可以慢慢行慢慢影相啦!這裡以木色系裝潢,舒適自然, 亮點是貓貓圖案牆身! 另外,店方相當週到!由於地方淺窄的關係,木椅子設計可放雜物!餐牌以中、英、日文對照,並附有食物相片!和風沙律 $35新鮮爽脆的沙律菜,配上日式芝麻醬,既開胃又充滿和風口味!香煎鮮蝦餃子5隻 $42薄薄的餃子皮,內裡滿載餡料,有豬肉、白菜,加入鮮蝦,令整體口味豐富起來!日式炸豆腐3件 $36金黃色的外層,入口外層微脆內裡嫩滑!蘸上似是味醂的日式醬汁添風味!特濃櫻花蝦蝦湯叉燒拉麵 $88我一眼便愛上這款招牌拉麵嘞!蝦湯底濃厚,並非重口味!鮮香無比,拉麵吸收湯底精華,有咬口之餘又夠入味!櫻花蝦的蝦殼含豐富鈣質,我更加不容錯過呢!溫泉蛋火候恰到好處!兩塊薄薄的叉燒香煎,既香口又鮮美!迷你石鍋特濃龍蝦湯叉燒飯 $42在餐牌的相片見到算幾大個,實物真是幾的骰!對比碗拉麵可見! 小朋友食應該夠,男朋友食完未夠飽,最終要點多碗拉麵!勝在熱辣辣又肉質鬆化!飯粒盡吸龍蝦湯精華,不用一會兒,已被他食清光!濃厚龍蝦湯麵及熱辣辣迷你石鍋飯,最適合現時轉涼及寒冷的天氣! 這拉麵店價錢幾合理! 繼續閱讀
(以上食評乃用戶個人意見 , 並不代表OpenRice之觀點。)
行行下街落雨, 於是就搵間餐廳食個early dinner 同避下雨啦~ 利東街呢邊都幾多選擇, 見到呢間拉麵新開就試下啦~ 餐廳細細間, 大概有三至四十個位, 估唔到六點去到已經滿左九成呀!! 餐廳除左有拉麵,仲有石鍋泡飯、小食、沙律同雪糕!飲品就有汽水、綠茶、烏龍茶,同平時比較少見既波子汽水!唔想叫野飲都可以飲水既~ 黎到拉麵店點都要試下個拉麵既! Si點左個特濃櫻花蝦蝦湯叉燒拉麵! 湯底幾濃但又唔係好「杰」果種, 蝦味好香, 麵係幼身果隻, 蛋都有一隻呢~ 叉燒有燒過, 燶燶地架! 另一個點左大盛叉燒炸雞拉麵, 炸雞幾香口, 呢個湯底就無蝦湯咁濃~ 呢個迷李石鍋特濃龍蝦湯海鮮泡飯好吸引!! 熱辣辣香噴噴, 好香龍蝦湯味! 好彩份量唔大, 大概平時食飯既飯碗咁大, 所以都OK! 趁熱食好食D, 擺得耐D湯就會索晒, 個味會淡左! 海鮮都好足料! 日式炸豆腐 一份有三件, 外脆內滑~ 香煎鮮蝦餃子呢個一份有五隻,煎得好香口,都幾好味~埋單三百幾蚊,兩個人食到飽飽,正~ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-08
50 瀏覽
今日LUNCH 約左舊同學食, 所以黎到灣仔~~佢一早幫我排定隊, 所以去到入刻入=]我地先一人一支波子汽水, 之後就叫拉麵~~我要左特濃櫻花蝦拉麵 ,仲揀左比較硬嘅麵,櫻花蝦好靚,碗拉麵竟然有兩塊特別炸蓮藕,即使沉入湯度,都好脆~~另外個湯底好濃郁蝦湯味,OVERALL 真係唔錯~~朋友叫左辛辣豚骨叉燒拉麵 好彫食落又唔會好辣, 麵條亦揀左硬麵,因為咬口D~每碗拉麵有兩三片叉燒、溏心蛋、海苔、高麗菜、炸藕片、蔥花、黑木耳,賣相吸引~仲叫左2個小食,枝豆同炸雞~~炸雞真心好食,D 雞皮好脆,食落仲啖啖肉~OVERALL 價錢唔貴,坐得又舒服,下次可再黎!  繼續閱讀
(以上食評乃用戶個人意見 , 並不代表OpenRice之觀點。)
等級3 2018-12-06
83 瀏覽
行街行到攰最啱搵個地方食嘢輕鬆一下,至緊要食得飽就得,諗住去食番碗拉麵就梗係去拉麵店開餐入去坐低諗住點碗拉麵食,點知睇到餐牌發現仲有其他嘢食可以值得品嚐一下,最後放棄左食拉麵念頭,轉一轉口味食佢呢度嘅迷你石鍋特濃龍蝦湯海鮮泡飯,再點D小食食下,又可以食多種美食,小食先來有香煎豬肉餃子(5隻),餃子煎得夠香口,入囗食到香嫩肉粒外滿口啖啖香甜肉汁正再來係迷你石鍋飯,已索到陣陣香味,熱辣辣鍋飯吸收晒特濃龍蝦湯汁,包保每粒飯都會食到湯汁嘅鮮甜味道配埋海鮮一齊煮食落更加鮮,趁熱食就最正斗口感一流又飽滿食落有驚喜食完個暖笠笠鍋飯後,再食番個香濃軟滑抹茶雪糕更加滿足一餐美食又品嚐完畢。 繼續閱讀
(以上食評乃用戶個人意見 , 並不代表OpenRice之觀點。)