夫妻沸片-台式麻辣火鍋 (已結業)

Lunch一個唔知食咩好 圍住雅蘭轉左一個圈 俾我搵到一間食台式麻辣火鍋嘅舖頭本身以為剩係得火鍋 望吓Menu原來有午市套餐揀 ！啱晒我一個毒食環境寬敞 坐得相當舒服夫妻 乾拌麵套餐夫妻麻辣湯半肚半肉+乾拌麵+焙火鐵觀音珍珠奶茶賣相相當不俗！嘢食都相當夠份量！午市麻辣湯既肥牛同牛肚比得一啲都唔鬆手呢度嘅麻辣湯底真係有一種係台灣食嘅感覺！唔會一味得個辣 吞左之後仲有一絲絲嘅麻痹感 食落非常過癮！拌麵亦都好好食雖然話係乾撈～但係面身夠彈牙 有少少秘製配料配埋半隻流心蛋 味道幾好㗎！套餐仲有鴨血同埋滷水豆腐口痕既我忍唔住叫咗佢哋嘅招牌台式小食黃金魚皮脆卜卜既魚皮同香濃鹹蛋夾埋真係天作之合！！Overall我覺得係水準之上既台式餐廳下次會來試吓佢嘅主打麻辣火鍋～