The BASE nature (已結業)

今日自己一個人就咗去荃灣食， 咁好似呢一間餐廳係新開嘅， 因為其實我都好耐未嚟過荃灣呢一頭呀。 咁我就走入去試下，其實內籠都乾淨企理，而且整整齊齊，坐落都幾relax嘅 ，Then我就order咗以下:首先嚟咗杯latte先，其實呢一杯latte我覺得都幾好飲，奶味夠，而且咖啡味亦都香濃，絕對唔錯，因為其實自己本身鍾意飲coffee，所以下次再嚟嘅時候可以試下其他咖啡類嘅。宮崎蜂炸雞漢堡： 有自家制他他汁、香草烤茄和脆薯格。 咁其實呢一個漢堡都好大嚿， 而且你可以見到我幅圖嗰塊雞扒真係好大塊所以如果以lunch嚟講，呢個炸雞漢堡我覺得都幾抵食而且雞肉亦都juicy。 最緊要就係去呢一個舊雞仲係熱辣辣，而且佢個包焗得幾有牛油味， 番茄亦都好新鮮，所以呢一個burger我誠意推介。最後大家行開荃灣呢一頭，可以試呢一間餐廳，我覺得佢咖啡和啲西餐都幾吸引我，大家可以試下呢一間餐廳。 可能會畀我發掘得更多好食嘅嘢。