翠華餐廳 (已結業)

係中環上完堂，見lunch hour 周圍既餐廳都好多人，行經翠華見入面有位就決定入去食。呢間翠華面積相當大，而且有兩層，可容納大量食客。坐底後，發現選擇困難症開始發作，因為翠華本menu 都幾厚下，有很多食物款式供人選擇。最後因為荷包瘦削，決定選較便宜的順德魚腐米線$36。呢碗米線食落有驚喜，雖然先$36，但魚腐都幾多同幾大粒，味道亦相當好。米線方面都好幼滑，即使浸得耐亦唔會發漲!另外佢既湯亦都好好味，$36 黎講簡直平靚正!