一風堂 (新港中心) (已結業)

一個人high Tea好似好lonely,唯有搵間無乜人既餐廳食下野等老朋友，行行下就搵到一風堂。可能係因為4點幾既時間無乜客，所以入左去叫野食。😋😋明太子雞翼一客兩件明太子雞翼，以傳統方式醃製，係將雞中翼去骨後，再釀入明太子同埋肉碎，呢個係日本最居酒屋最流行小食之一，賣相無乜特別，味道方面咸咸的，加少少檸檬汁，酸酸地，非常開胃同埋惹味。一風堂 炸蛋呢係炸蛋，唔知佢回解叫呢個名😂其係佢係用肉碎包住隻溫泉蛋，再配上他他醬。一黎到果陣已經切開左1半俾我地，咬落去係係脆脆地，然後是軟滑的流心蛋黃，滿足！鰻魚飯呢碗鰻魚飯唔算好大碗，一人份量岩岩好～一份燒鰻魚，食落去有少少鰻魚香味、肉質滑嫩鮮美，再配上鰻魚燒汁，甜鹹濃淡巧妙平衡，而且選用日本珍珠米，d飯食落去飯香軟腍，係唔錯既👍🏻👍🏻同埋，佢地既鰻魚處理得好好，幾乎無乜魚刺，而口感比預期既還要柔嫩細緻，唔錯。