北京樓 (新城市廣場一期)

營業中

休息中

早前見到沙田新城市廣場北京樓，做緊早茶(早上8點至11點)及下午茶(下午2點至4點)優惠，就是大點丶中點丶小點和粥一律都是$18。見到呢個優惠咁吸引，於是嘗試一個人去嘆早茶。雖然一個人飲茶有一定限制，食唔到好多款式點心。今次好可惜坐唔到窗口位，坐左入去廳房，想搵人落單丶埋單都有d難度，因為佢地太忙。我叫左一碗皮蛋瘦肉粥丶鮮蝦瑤柱菜苗餃丶煎蘿蔔糕。呢碗皮蛋瘦肉粥非常大碗😧，但係幾好味，好足料，配埋脆脆一齊食，將味道層次大大提升。而蘿蔔糕都好大件丶煎得好靚，平時飲茶只有三件蘿蔔糕，北京樓竟然有四件。菜苗餃都唔錯。全部都好滿意。