阿久根和牛立燒店 (已結業)

香港立食壽司都有食過，但立食燒肉都係第一次食！雖然話係立燒店，但其實都有櫈坐嘅！每個獨立迷你燒爐上面都有銅色長抽油煙囪，唔怕食到成身燒烤味！主打食日本和牛，燒肉係逐片收費，十幾蚊就有交易！前菜每位$8三文魚軟骨組織+牛脷牛脷好軟腍，甜甜地。三文魚軟骨組織有咬口，酸酸地好開胃。和風和牛定食 ($98)有肩胛1片、胸腹肉2片、牛肚2片、A4肉眼1片加咗飯素好惹味，送飯一流！肩胛肉牛味好濃郁；牛肚爽口彈牙。