1仔冰室 (已結業)

有時候得一個人都要去開飯，我都會選擇去冰室居多，勝在口味多元化之餘，同時又食到美味地道美食，早排行開呢頭順便食埋飯先回家，就入左呢間冰室開餐本身係一個飯桶一日唔食佢總係爭啲，平時食開都系一碟精美小菜再配個白飯咁食已經好滋味不過今次轉一轉口味食個懷舊籠仔荷葉蒸飯，多數係酒家先至食得，估唔到係呢度都有得食有晒驚喜，份量仲有分大細又幾體貼當然有幾款口味提供，我就點了籠仔荷葉蒸班片飯，惠顧任何套餐加$20可以飲埋樽仔奶茶，仲係攞過冠軍茶王得獎作品，難得咁有緣當然要品嚐一下用上玻璃樽盛戴飲完仲可以攞走當水樽自用，先飲啖冰凍奶茶入口滑溜之餘茶味濃厚確實好飲，終於輪到籠仔飯出場陣陣鮮味四溢雖然比較清淡但咁食先至原汁原味，班片肉質鮮嫩香甜飯粒吸收左魚肉鮮味同其他配料，食落更加滋味又滿足到食慾嘅我咁又品嚐左一餐地道美食。