牛摩 (沙田中心) (已結業)

[ 牛摩 ]今年冬天特別凍，打邊爐比往年頻密😝。沙田中心呢間日式火鍋店🇯🇵🍲，晚市有幾款90分鐘牛肉放題套餐，最平只係$168一位。✿ LV.4極尚牛小排 晚市90分鐘放題 $278/位
前菜/小食🍣🥟🧀任食壽司、炸日式餃子、日式章魚燒、日本一口芝士、炸雞軟骨粒、枝豆等等，很有日式風味。
火鍋湯底🍲自選一人一鍋日式、港式等湯底。「博多豚骨濃湯🇯🇵🐷」以大量豚骨熬煮，味道濃郁但唔會過咸；「關東風壽喜燒」以日式🇯🇵醬油、味醂等調味，味道甜甜地，湯煮滾後加隻生雞蛋🥚更滋味。肉類🥩任食牛小排🐮、牛肩胛、牛肌腹、牛舌、日本沖繩阿古豚梅肉🇯🇵🐷、羊卷肉🐑、雞髀肉🐔等等，款式充足。牛小排油脂分布平均，口感嫩滑；牛肩胛及阿古豚梅肉嘅肉味濃郁。海鮮🦐🦑任食海蝦、青口、帆立貝、魷魚圈及蟹籽墨魚滑。海蝦及青口肉質鮮甜。其他火鍋配料🥬🍜自助放題區任攞丸類、蔬菜、粉麵等。飲品🍹🧃冷熱飲品都有，有罐裝飲品、日式果汁機及咖啡機等，幾多款式。甜品🍨有自助新地機、泡芙等甜品。總結🫦 放題套餐價錢親民，湯底有日式風味，而且可以一人一鍋，食得較衞生而每人可以選擇喜歡嘅湯底。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿