豚道樂 (大河道) (已結業)

我同男友都係葵涌區返工，時常都係荃灣食飯，因為選擇夠多同夠近，唔洗下下出旺角迫噤人，今晚我地唔想諗食咩，所以去左依間拉麵店食拉麵，一人一碗簡簡單單黎到店門已經有人排隊等位，我地見唔多人所以等下，等左十分鐘就入得啦店鋪雖然唔大，但迫住坐埋一枱人咁食反而覺得好有日本感覺同食得滋味，落單係自己寫紙落，仲有小熊本熊公仔擺設陪住食添<<特上黑蒜油拉麵>>入面有豬肩肉、豬腩肉、溏心蛋半隻、木耳同紫菜，有兩種麵條可以選擇，我揀左直麵，豬肩/腩肉係薄切，脂肪比例半肉半肥，口質軟腍得黎入口好香，直麵叫左普通硬度，煮得剛剛好，個湯飲落濃郁同好香黑蒜油味，溏心蛋流黃食好正，賣相睇落小小碗咁，但份量食落都飽架<<特上日本芥末拉麵>>入面配菜同黑蒜油拉麵一樣，但多左芝士碎，我男友揀左要曲麵，相比直麵較粗身，口感爽口彈牙，而湯底用左芥末黎整成，所以個湯係綠色，飲落有淡淡既芥末味又唔會好辣，感覺清清地幾特別，食食下仲有半溶芝士係底，芝士味好濃，咁配真係第一次食，個味道又幾夾喎<<日式餃子>>煎得好香口，少少焦香味，皮薄餡