Shine (已結業)

人愈大就各有各忙 所以每次都好珍惜同朋友出嚟食飯嘅時間 每一次都會搵啲可以傾下計又好味嘅餐廳 今次就係OpenRice 搵到呢間樓上餐廳呢度好舒服 枱與枱之間唔迫 傾密計都冇人聽到呀😂〰️海鮮墨魚意大利飯〰️我最鍾意食嘅就係意大利飯 呢個意大利飯除咗係有烏卒卒既墨魚汁之外 仲竟然有濃濃嘅芝士味添呀 而且有大蝦青口帶子外仲有好多魷魚添呀 〰️香煎挪威三文魚配忌廉檸檬汁〰️我地叫呢個魚嘅時候 侍應提醒我哋話呢個魚係有少少生生地嘅 因為如果係太熟嘅話影響左個口感 所以唔係好食生野既朋友要留意下啦 我都覺得呢個魚如果煎耐左就會冇左個滑溜既感覺 再點埋呢個有少少酸既檸檬汁令到個魚冇咁膩 另外我要讚下呢碟魚既擺法好靚 有埋d蘆筍拌碟 令到個顏色好豐富 食慾大增呀