影片
更多
2021-09-01
89 瀏覽
嚟銅鑼灣食日本嘢，如果諗唔到食邊間好? 阿叔建議你嚟呢幢位於崇光百貨隔離嘅商業大廈度搵食，皆因呢度好似層層都做日本嘢咁，廚師發辦、居酒屋、爐端燒、拉麵應有盡有，總有一間嘅日本菜式啱你！ 之前幫襯過好幾間居酒屋，今次同舊同事聚會，一齊想食好啲就嚟咗呢間鐵板燒試吓。呢度嘅鐵板燒主打日式但又帶點西式嘅烹調手法，值得一讚係廚師好有心擺盤，碟碟賣相都好精緻。呢度晚餐價錢由$688起，連湯、甜品有9度菜咁多，包你食完叫飽。虎鐵特色套餐 ($988)，比起精選套餐貴少少，同樣9度菜，不過食材就高質啲！ 青蘋果野菜沙律 – 打頭陣先嚟沙律，味道酸酸甜甜幫你開開胃。 海膽黑松露溏心蛋 – 滑溜嘅流心蛋白上再加上金箔、黑松露同海膽，賣相極可愛，味道層次亦非常豐富。 香煎白松貝 - 白松貝即係我哋叫嘅象拔蚌，入口爽口彈牙，建議先食原味，跟住先再點埋山葵忌廉汁，兩種截然不同嘅味道！ 犬牙白鱈魚 – 阿叔嘅個人推介，白鱈魚煎到外脆內軟，放入洋蔥湯中，令湯嘅鮮甜味再度提升，超正！ 日本A5和牛厚燒配香煎野菜 - 前者肉味超濃，肉汁又多，唔需要加喜馬拉雅山岩鹽都已經好夠味，反而加咗阿叔覺得有啲咸添！後者就有大啡菇、
之前幫襯過好幾間居酒屋，今次同舊同事聚會，一齊想食好啲就嚟咗呢間鐵板燒試吓。呢度嘅鐵板燒主打日式但又帶點西式嘅烹調手法，值得一讚係廚師好有心擺盤，碟碟賣相都好精緻。呢度晚餐價錢由$688起，連湯、甜品有9度菜咁多，包你食完叫飽。虎鐵特色套餐 ($988)，比起精選套餐貴少少，同樣9度菜，不過食材就高質啲！
青蘋果野菜沙律 – 打頭陣先嚟沙律，味道酸酸甜甜幫你開開胃。
海膽黑松露溏心蛋 – 滑溜嘅流心蛋白上再加上金箔、黑松露同海膽，賣相極可愛，味道層次亦非常豐富。
香煎白松貝 - 白松貝即係我哋叫嘅象拔蚌，入口爽口彈牙，建議先食原味，跟住先再點埋山葵忌廉汁，兩種截然不同嘅味道！
犬牙白鱈魚 – 阿叔嘅個人推介，白鱈魚煎到外脆內軟，放入洋蔥湯中，令湯嘅鮮甜味再度提升，超正！
日本A5和牛厚燒配香煎野菜 - 前者肉味超濃，肉汁又多，唔需要加喜馬拉雅山岩鹽都已經好夠味，反而加咗阿叔覺得有啲咸添！後者就有大啡菇、南瓜、日本茄子同炸蒜片，正常味道，無咩特別。
豆腐魚湯 – 可能已經食咗好幾款味道較濃嘅菜式，相對地呢個豆腐魚湯就有少少失食，味道較淡。
蟹肉炒飯 - 炒至黃金色嘅蟹肉炒飯，熱辣辣香噴噴，而且夠乾身，非常惹味！
張貼
