滝雲

營業中

休息中

同咖啡店一樣，呢幾年香港嘅日式料理店開完一間又一間，選擇之多，真係每個星期食一間都有排你食。 近日，又有一間新開於金馬倫道，佢哋以壽司同燒物作主打，午市定食都係由$128起，想下晝食Omakase都係$468，包壽司7貫、刺身6款、前菜、茶碗蒸、玉子、麵豉湯，價錢相當大眾化。 北海丼 ($248)丼飯都幾足料，一共有6款刺身鋪滿成碗飯，三文魚、松葉蟹肉、帶子、三文魚籽、牡丹蝦同海膽，賣相都幾新鮮。店內用上加入赤醋嘅青森米，阿叔個人認為唔使加鼓油都好夠味，唔錯唔錯！ 下次想平平地食壽司或者廚師發辦? 大家又多一個選擇喇！