影片
更多
2023-11-07
48 瀏覽
秋天係食大閘蟹嘅季節，正直大閘蟹當造，主打日式一人鍋嘅大將除咗火鍋放題外，最近亦順應當造時令推出咗150分鐘大閘蟹+火鍋任食放題，性價比高。餐廳主打日式木系風格，燈光柔和，座位舒適闊落，環境整潔衛生，店員上菜快捷，服務態度都唔錯。湯底一人火鍋湯底有大約10款可供選擇，可以根據自己口味喜好去點，今次同朋友揀咗海老濃湯完熟蕃茄湯同埋日高昆布湯，海老濃湯完熟蕃茄味道香濃，酸酸甜甜，日高昆布湯嘅昆布帶出咗自然甘甜風味，兩款湯都各有特色。爆膏大閘蟹每一隻大閘蟹新鮮滾熱辣，每人每次可以點兩隻大閘蟹，喺限時150分鐘內無限追加。由於大閘蟹正值當造季節，蟹公蟹乸都好高質，打開蟹蓋就會見到爆曬膏既效果，蟹乸金黃色嘅蟹黃多到滿瀉，入口甘甜鮮味，蟹公肥美肉厚，有透白色嘅蟹膏，口感黏稠，同樣有濃厚鮮味。和牛胸腹眼＋安格斯牛小排凡惠顧任食爆膏大閘蟹放題每位奉送和牛胸腹眼＋安格斯牛小排，呢兩款牛肉都比較高質，安格斯牛小排，油脂豐富，口感嫩滑，牛肉味濃，和牛胸腹眼油脂比較多，肉汁豐厚，口感同樣軟嫩，有入口即溶嘅感覺。牛豬雞羊海鮮及其他配料店內另有多達20多款牛豬雞羊海鮮同埋其他配料可以向店員落單，牛肉有嚴選Prim
秋天係食大閘蟹嘅季節，正直大閘蟹當造，主打日式一人鍋嘅大將除咗火鍋放題外，最近亦順應當造時令推出咗150分鐘大閘蟹+火鍋任食放題，性價比高。餐廳主打日式木系風格，燈光柔和，座位舒適闊落，環境整潔衛生，店員上菜快捷，服務態度都唔錯。
湯底
一人火鍋湯底有大約10款可供選擇，可以根據自己口味喜好去點，今次同朋友揀咗海老濃湯完熟蕃茄湯同埋日高昆布湯，海老濃湯完熟蕃茄味道香濃，酸酸甜甜，日高昆布湯嘅昆布帶出咗自然甘甜風味，兩款湯都各有特色。
爆膏大閘蟹
每一隻大閘蟹新鮮滾熱辣，每人每次可以點兩隻大閘蟹，喺限時150分鐘內無限追加。由於大閘蟹正值當造季節，蟹公蟹乸都好高質，打開蟹蓋就會見到爆曬膏既效果，蟹乸金黃色嘅蟹黃多到滿瀉，入口甘甜鮮味，蟹公肥美肉厚，有透白色嘅蟹膏，口感黏稠，同樣有濃厚鮮味。
和牛胸腹眼＋安格斯牛小排
凡惠顧任食爆膏大閘蟹放題每位奉送和牛胸腹眼＋安格斯牛小排，呢兩款牛肉都比較高質，安格斯牛小排，油脂豐富，口感嫩滑，牛肉味濃，和牛胸腹眼油脂比較多，肉汁豐厚，口感同樣軟嫩，有入口即溶嘅感覺。
牛豬雞羊海鮮及其他配料
店內另有多達20多款牛豬雞羊海鮮同埋其他配料可以向店員落單，牛肉有嚴選Prime牛肩肉、特選美國牛肩肉、滑牛肉、一口牛肉粒、牛胸爽；豬肉有熊本豬梅花肉、西班牙五花肉片；雞肉有昆布漬雞肉；羊肉有特選羊卷肉；海鮮有杭州黑魚片、花膠、水魷魚、蝦滑、沙白同埋大蟹棒；其他配料有即炸午餐肉、即炸響鈴同埋雲吞。
嚴選Prime牛肩肉筋比較少，油脂比例多，牛肉味濃郁；西班牙五花肉片肉味濃，肉質鮮嫩多汁，豬皮好有咬口；海鮮方面，杭州黑魚片好滑嫩，入口即溶，沙白好新鮮，味道帶有鹹味；其他配料方面，即炸午餐肉上枱時熱辣辣，厚切香口，唔使落火鍋都可以即食，好味道。
自助區
自助區有各式蔬菜、丸類、炸物、前菜、小吃、醬料區、雪糕機、刨冰機、甜品同埋飲品，種類非常豐富。蔬菜有娃娃菜、生菜、冬菇、金針菇等；前菜有泡菜、中華沙律、涼拌青瓜；炸物有炸雞同埋炸餃子；甜品有泡芙、杯裝布甸、蛋糕等；飲品方面有台灣茶一刻無糖綠茶同埋烏龍，另外有鴻福堂竹蔗茅根、雪梨海底椰、咸柑桔等，可以下火清熱氣。
最特別係可以自製日式刨冰，係波子汽水嘅味道，好清爽；同埋有窩夫機，可以自製窩夫，整完可以加雪糕同其他配料；另外有一個關東煮自助區，有雞蛋、蘿蔔、蒟蒻、海帶結、竹輪等提供。
張貼
