New York Cut

營業中

休息中

呢間位於中環 H Queen’s 2樓嘅西餐廳，店內裝修華麗有氣派，樓底夠高之餘、又有採光度十足嘅落地大玻璃，加上佢哋主打世界各地嘅頂級牛肉，美國、意大利、澳洲、英國、日本同韓國等產地嘅牛肉都能夠食到，啱晒一眾牛魔王係跟家人、情人嚟慶祝食飯。📋All You Can Eat weekend menu ($388) 餐廳近日為慶祝開業一周年，特別推出呢個只限週末先食到嘅任食牛扒餐。套餐由中午12點開始至下晝2點半為止，期間除咗頭盤同甜品，大家可以盡情任食西冷牛扒同意粉。愛酒人士更可另加$128 90分鐘內飲埋紅、白酒同香檳。認真，以中環區嚟講，呢個價錢，會唔會CP值太高呀！🦞頭盤 - 生牛肉他他 / 龍蝦湯 兩者賣相都非常吸睛，前者用上美國Prime 牛製成，口感鮮嫩富嚼勁，阿叔覺得撈埋生蛋質感就更滑溜，建議加埋酸種麵包一齊食，口感層次會再豐富啲；後者有一細細隻龍蝦肉同大量蔬菜，質感濃稠，味道濃郁。🥩主菜 - 西冷牛扒配意粉用上美國安格斯牛，份量都唔少，建議三至五成熟，肉汁豐富，肉味又濃，自問牛魔王嘅你，即管試吓可以食到幾多件? 食扒之餘，大家仲可配埋蕃茄醬長通粉或蒜香意粉，兩者水準正常