影片
更多
2022-09-28
58 瀏覽
呢間燒肉裝潢唔算好靚，但十分懷舊，喺石泥牆上貼滿日本動漫、卡通及偶像，播放住日文歌，氣氛滿滿！重點係食物選擇都滿滿！我哋揀咗精選熊本放題，再加35蚊就食到澳洲和牛放題，升級咗有多4款肉類食，包括和牛肩胛、和牛封門柳、和牛板腱及鹿兒島日本豚。升級咗嘅牛肉，肉質當然唔輸蝕，但我居然係畀日本豚吸引咗，薄薄一片，油脂豐富，燒到脆卜卜，一邊飲仙草凍一邊食熱氣肉，好放肆但好爽🐷✨除咗和牛、豚肉，仲有以下必食推薦：▫️三文魚骹：食過一件再翻叫，師傅嚟到都話呢度嘅三文魚骹好新鮮，燒嘅時候記得加少少醬汁碟上嘅粗鹽，咁樣一齊燒出嚟，魚鮮味更突出！我食咁5舊🙊✨▫️雞軟骨：喺個燒爐上炒雞軟骨咁，即燒炒即食，真係估唔到咁好味。不過我唔記得加七味粉，加咗應該更滋味！▫️多春魚：每次燒野食必上榜，呢度嘅多春魚都幾大條，啲春都滿意！▫️棉花糖：唔洗熱辣辣BBQ都食到燒棉花糖，不過要小心啲火，我燒到舊棉花糖著曬火😂✨▫️脆皮香蕉：呢個小食真係喜出望外，外層係炸過嘅糯米，中間有香蕉，香蕉味勁香，自己食咗2件！▫️地獄香辣稻庭烏冬：一碗份量啱啱好，個湯底辣得好正，好似平時食嘅一款湯粉味道，但又講唔出係邊度食過⋯▫️煙肉車厘茄卷：爆汁車
重點係食物選擇都滿滿！我哋揀咗精選熊本放題，再加35蚊就食到澳洲和牛放題，升級咗有多4款肉類食，包括和牛肩胛、和牛封門柳、和牛板腱及鹿兒島日本豚。升級咗嘅牛肉，肉質當然唔輸蝕，但我居然係畀日本豚吸引咗，薄薄一片，油脂豐富，燒到脆卜卜，一邊飲仙草凍一邊食熱氣肉，好放肆但好爽🐷✨
除咗和牛、豚肉，仲有以下必食推薦：
▫️三文魚骹：食過一件再翻叫，師傅嚟到都話呢度嘅三文魚骹好新鮮，燒嘅時候記得加少少醬汁碟上嘅粗鹽，咁樣一齊燒出嚟，魚鮮味更突出！我食咁5舊🙊✨
▫️雞軟骨：喺個燒爐上炒雞軟骨咁，即燒炒即食，真係估唔到咁好味。不過我唔記得加七味粉，加咗應該更滋味！
▫️多春魚：每次燒野食必上榜，呢度嘅多春魚都幾大條，啲春都滿意！
▫️棉花糖：唔洗熱辣辣BBQ都食到燒棉花糖，不過要小心啲火，我燒到舊棉花糖著曬火😂✨
▫️脆皮香蕉：呢個小食真係喜出望外，外層係炸過嘅糯米，中間有香蕉，香蕉味勁香，自己食咗2件！
▫️地獄香辣稻庭烏冬：一碗份量啱啱好，個湯底辣得好正，好似平時食嘅一款湯粉味道，但又講唔出係邊度食過⋯
▫️煙肉車厘茄卷：爆汁車厘茄配咸咸哋嘅煙肉，perfect match🫶🏻✨
張貼
