影片
更多
2025-05-27
453 瀏覽
今次嚟到充滿歐陸風情嘅粉色小屋餐廳Pane e Latte，餐廳主打意大利菜、牛角包、意大利冬甩、甜點同埋飲品。餐廳裝潢主調用上粉紅色，高樓底空間，牆上掛上米蘭畫像，加上度假風嘅草蓆天花同埋木吊扇，充滿歐陸氛圍，非常適合打卡，另外坐喺窗邊位置可以飽覽赤柱海景，吹住海邊微風，感受溫暖嘅陽光，喺度可以享受一個休閒寫意嘅下午。餐廳喺每個月都會推出Sweet Bundle 同埋蛋撻，定期轉換新口味，好有新鮮感。Chocolate Babka with caramelized Banana & Caramel Ice Cream 吐司外層烘得金黃酥脆，內裏口感鬆軟，味道充滿奶油香，配搭朱古力醬、焦糖香蕉、雪糕等，香蕉嘅甜度帶出清新味道，配上雪糕，口感非常豐富。Salted Caramel & Nutella Latte香醇嘅榛子朱古力Latte同焦糖嘅香甜結合，口感幼滑，味道唔會太甜，有不一樣嘅味覺享受，榛子朱古力愛好者一定鍾意。Assorted Egg Tarts餐廳喺五月推出限定口味嘅蛋撻，以港式風味混合咗意式 Style，分別有三種口味，包括有Pistachio、Gianduja Choc
今次嚟到充滿歐陸風情嘅粉色小屋餐廳Pane e Latte，餐廳主打意大利菜、牛角包、意大利冬甩、甜點同埋飲品。餐廳裝潢主調用上粉紅色，高樓底空間，牆上掛上米蘭畫像，加上度假風嘅草蓆天花同埋木吊扇，充滿歐陸氛圍，非常適合打卡，另外坐喺窗邊位置可以飽覽赤柱海景，吹住海邊微風，感受溫暖嘅陽光，喺度可以享受一個休閒寫意嘅下午。餐廳喺每個月都會推出Sweet Bundle 同埋蛋撻，定期轉換新口味，好有新鮮感。
Chocolate Babka with caramelized Banana & Caramel Ice Cream
吐司外層烘得金黃酥脆，內裏口感鬆軟，味道充滿奶油香，配搭朱古力醬、焦糖香蕉、雪糕等，香蕉嘅甜度帶出清新味道，配上雪糕，口感非常豐富。
Salted Caramel & Nutella Latte
香醇嘅榛子朱古力Latte同焦糖嘅香甜結合，口感幼滑，味道唔會太甜，有不一樣嘅味覺享受，榛子朱古力愛好者一定鍾意。
Assorted Egg Tarts
餐廳喺五月推出限定口味嘅蛋撻，以港式風味混合咗意式 Style，分別有三種口味，包括有Pistachio、Gianduja Chocolate、Raspberry，每款蛋撻用上酥脆厚身嘅黃油皮，餡料用上真材實料，帶出原始味道。開心果蛋撻，口感絲滑，入口有濃郁開心果香氣；朱古力蛋撻，內餡用上意大利品牌Gianduja，朱古力味道香醇，朱古力蛋漿濃稠細膩；覆盆子蛋撻，味道酸甜可口，果香四溢，口感非常香滑。
張貼
