影片
更多
2023-11-05
37 瀏覽
【📍旺角 日本菜／拉麵 - 背脂煮干特色麵食 重口味人士大🈵足 】去完東京都係覺得未食夠，喺香港都要搵返間過江龍！呢間入去之前做咗少少功課，預先知道都算重口味。自稱重口味嘅人類當然親自試一試～店名當中嘅「背脂」係指豬隻背部嘅油脂，「煮干」指沙丁魚乾熬成嘅湯頭。食之前可以扭個蛋，今次有「全單九折」同「免費雞蛋」，又幾好玩，睇睇你運氣決定今晚俾幾錢買單同埋會唔會有多啲配料。💡丸目油麵 ＄108身為油麵粉絲嘅我，點會唔叫返碗呢？香港都唔算多油麵可以揀，今次呢碗配料兩塊炙燒䐁腩、流心蛋、荀同紫菜等，麵質係我喜歡的曲麵質感，粗身又彈牙，被濃味嘅醬汁包裹，非常滿足到重口味人士想要好衝擊好濃郁嘅感覺。💡特製背脂煮干沾麵 $118冷麵上有唔少配料，包括兩塊炙燒䐁腩、流心蛋、荀等，沾汁內都有豚肉。沾汁的確偏油偏濃味，但沾完麵之後就發揮咗晒優點，將特製彈牙麵條全方位包住，又夠濃味。流心蛋質感同味道都好高分，沾汁加上蛋漿香氣又完全唔同。豚肉本身都有焦香，咬落好腍，肉味好濃。沾上沾汁更惹味，我連碗油麵上嘅豚肉都拎去沾沾汁！
去完東京都係覺得未食夠，喺香港都要搵返間過江龍！呢間入去之前做咗少少功課，預先知道都算重口味。自稱重口味嘅人類當然親自試一試～店名當中嘅「背脂」係指豬隻背部嘅油脂，「煮干」指沙丁魚乾熬成嘅湯頭。
食之前可以扭個蛋，今次有「全單九折」同「免費雞蛋」，又幾好玩，睇睇你運氣決定今晚俾幾錢買單同埋會唔會有多啲配料。
💡丸目油麵 ＄108身為油麵粉絲嘅我，點會唔叫返碗呢？香港都唔算多油麵可以揀，今次呢碗配料兩塊炙燒䐁腩、流心蛋、荀同紫菜等，麵質係我喜歡的曲麵質感，粗身又彈牙，被濃味嘅醬汁包裹，非常滿足到重口味人士想要好衝擊好濃郁嘅感覺。
💡特製背脂煮干沾麵 $118
冷麵上有唔少配料，包括兩塊炙燒䐁腩、流心蛋、荀等，沾汁內都有豚肉。沾汁的確偏油偏濃味，但沾完麵之後就發揮咗晒優點，將特製彈牙麵條全方位包住，又夠濃味。流心蛋質感同味道都好高分，沾汁加上蛋漿香氣又完全唔同。豚肉本身都有焦香，咬落好腍，肉味好濃。沾上沾汁更惹味，我連碗油麵上嘅豚肉都拎去沾沾汁！
張貼
