Dreamer Cafe (已結業)

【💭敢夢敢想 山道文青咖啡店☕】Dreamer Cafe | #西環石塘咀山道一帶有多間隱世咖啡店，不少都係由一班敢夢的香港年輕人創業 每間都各有特色！ 而且當你走入去仔細欣賞餐廳的裝修，會感受到店主的理念！ 餐廳以純白和淺木作主調，感覺柔和舒適，果然係一個發夢的好地方！係大學附近，午餐時段有唔少學生！餐廳主打每日新鮮食材意粉和AllDayBreakfast，當然唔少得「咖啡」！ 今日的Pasta係 「青醬煙鴨胸意粉」和「番茄大蜆扁意粉」。前者，入口清新橄欖油和香草比例剛好，煎香的煙鴨胸肉質嫩滑 軟腍，有鴨香！番茄意粉炒得更惹味，濃郁蕃茄醬和鮮甜多汁的大蜆！😋✌🏻「熱朱古力」美美的拉花，好似會跳舞的天鵝。入口幼滑，可可味濃郁 甜度適中！