影片
更多
2022-12-21
47 瀏覽
第一次遇到一間餐廳，先同你上一堂生物課，教識你人類係點感受「鮮」味，配合嗅覺同味覺，令你感受唔同嘅風味。店主每枱都會親自解釋，可以feel到佢好想你享受到碗麵嘅味道，呢種心思真係好值得尊敬🫡💡海．頂立 蝦頭龍蝦魚介湯 $95 + 冷萃咖啡 $70 (套餐) + Tiramisu (加配甜品)按照餐牌教學，先飲一啖咖啡，再飲一啖湯，可以提升湯嘅甜味。咖啡偏向nut，剛好我都唔鍾意太酸，唔會太苦澀，幾好飲。湯頭就真係好有層次，完全吸收晒蝦頭同龍蝦嘅鮮甜。烏冬係扁身少少，個人口味覺得有啲太硬身，都好掛湯。好心急試完個烏冬先醒起前菜，望落唔知係咩嚟，食落先知係明太子沙律，撈咗wasabi，食落好爽口好惹味。Tiramisu 有得揀硬定軟，平時就食creamy滑身嘅多，有時都幾掛住手指餅嘅口感，所以揀咗硬身。咖啡味同酒味都好出，仲要有麥提莎嘅脆感，口感同味道都幾中我口味。😍💡天．頂立 秘製當歸雞白魚介湯$95 + 冷萃茶 $70 (套餐) + 梳乎厘芝士蛋糕 (加配甜品)朋友食咗雞白湯底，湯頭真係幾有趣，奶味好重，又滲返陣甘甘地嘅當歸味，唔鍾意藥材就可能麻麻了。冷萃茶試咗兩啖都幾驚喜，比較一般茶
💡海．頂立 蝦頭龍蝦魚介湯 $95 + 冷萃咖啡 $70 (套餐) + Tiramisu (加配甜品)
按照餐牌教學，先飲一啖咖啡，再飲一啖湯，可以提升湯嘅甜味。咖啡偏向nut，剛好我都唔鍾意太酸，唔會太苦澀，幾好飲。湯頭就真係好有層次，完全吸收晒蝦頭同龍蝦嘅鮮甜。烏冬係扁身少少，個人口味覺得有啲太硬身，都好掛湯。
好心急試完個烏冬先醒起前菜，望落唔知係咩嚟，食落先知係明太子沙律，撈咗wasabi，食落好爽口好惹味。
Tiramisu 有得揀硬定軟，平時就食creamy滑身嘅多，有時都幾掛住手指餅嘅口感，所以揀咗硬身。咖啡味同酒味都好出，仲要有麥提莎嘅脆感，口感同味道都幾中我口味。😍
💡天．頂立 秘製當歸雞白魚介湯$95 + 冷萃茶 $70 (套餐) + 梳乎厘芝士蛋糕 (加配甜品)
朋友食咗雞白湯底，湯頭真係幾有趣，奶味好重，又滲返陣甘甘地嘅當歸味，唔鍾意藥材就可能麻麻了。冷萃茶試咗兩啖都幾驚喜，比較一般茶更有層次，味道好似比平時嘅茶行得遠啲。梳乎厘芝士蛋糕(唔係日日有㗎～)好綿但唔係太實，芝士味唔算濃，過吓口癮唔洗咁膩～
全店細細，總共得10個座位。小貼士係盡量兩個人先去，多過兩位都幾難等位🥺當日天氣好凍，吹風等咗半個鐘，入到去有熱湯烏冬飲，真係好感動😚如果要去都做定心理準備～
張貼
