影片
更多
2023-08-15
23 瀏覽
呢間一啲唔陌生，因為由幾年前食過好食都keep住做回頭客，今次有時間慢慢影靚相同大家分享~ 其實聽聞朋友食呢間嘅雞煲都相當高評價，奈何試過一次烤魚真係太吸引，每次都控制唔到自己唔點烤魚食。溫馨提示用社交平台訂位成日都有折，真係抵食好多😍💡 鮮花椒BB豆花 海爐魚 (小麻小辣) $308 + 寬粉 $36賣相每次都係好有心思，堅持每一盤都排得靚靚仔仔，滾起等幾分鐘就食得。湯底好濃，花椒辣味好香，麻辣好過癮，海爐魚好滑好嫩，對魚肉有追求嘅人可以升級再揀其他魚。烤魚會興起都唔係冇原因，魚肉相對冇牛肉咁膩，配上濃味湯底，吸收到湯底又唔會油膩。配料上有豆花、青瓜、寬粉同芽菜。每樣都有各自嘅口感，粉麵嚟講寬粉真係幾夾，既唔會太吸收濃味湯底，同時煙煙韌韌好好食，所以另外都叫多咗碟。💡 蒜香牛油燒扇貝 (2隻) $38呢度唔只邊爐烤魚同雞煲，連串燒都做埋一份，認真夠全面，今次試咗兩隻扇貝，毫不吝嗇嘅蒜蓉蓋面，配埋牛油香氣十足，同時油份仲保護到扇貝嘅水份。💡燒茄子 $48茄子面都係大量蒜蓉，唔同嘅係應該有用火槍燒至焦香，茄子仲係有水分，輕易拆到一絲絲。💡 竹蔗茅根 $38 & 白桃紅茶 $42飲品種類都
💡 鮮花椒BB豆花 海爐魚 (小麻小辣) $308 + 寬粉 $36
賣相每次都係好有心思，堅持每一盤都排得靚靚仔仔，滾起等幾分鐘就食得。湯底好濃，花椒辣味好香，麻辣好過癮，海爐魚好滑好嫩，對魚肉有追求嘅人可以升級再揀其他魚。烤魚會興起都唔係冇原因，魚肉相對冇牛肉咁膩，配上濃味湯底，吸收到湯底又唔會油膩。配料上有豆花、青瓜、寬粉同芽菜。每樣都有各自嘅口感，粉麵嚟講寬粉真係幾夾，既唔會太吸收濃味湯底，同時煙煙韌韌好好食，所以另外都叫多咗碟。
💡 蒜香牛油燒扇貝 (2隻) $38
呢度唔只邊爐烤魚同雞煲，連串燒都做埋一份，認真夠全面，今次試咗兩隻扇貝，毫不吝嗇嘅蒜蓉蓋面，配埋牛油香氣十足，同時油份仲保護到扇貝嘅水份。
💡燒茄子 $48
茄子面都係大量蒜蓉，唔同嘅係應該有用火槍燒至焦香，茄子仲係有水分，輕易拆到一絲絲。
💡 竹蔗茅根 $38 & 白桃紅茶 $42
飲品種類都幾多，由港式清涼下火嘅飲品，到水果茶，當然仲有大量酒精飲品選擇。 竹蔗茅根清熱解渴，甜甜地又可以解下辣。而我每次去都點 白桃紅茶，夠大杯陪我食晒條魚，香甜又清新！
如果唔知想食咩都可以問問店員，店員都好親切，反應又快，全程都唔需要提佢地加湯，好多時佢地都主動問我地。另外新登記會員仲會送燒生蠔，又係燒到非常好，入面仲係好嫩滑。
小提示：餐廳只能由地面行樓梯到1樓，𨋢係去唔到1樓架~
張貼
