品曲奇 (昌記大樓)

營業中

休息中

收到風旺角新開咗間主打手工曲奇嘅小店，裝潢懷舊打卡一流、包裝又夠晒吸引。前日一放工就忍唔住衝去一探究竟，果然冇令我失望！一入店感受到滿滿嘅港式風情。鋪頭仲有七彩繽紛的禮盒相當吸引。最後帶咗三盒返屋企。今日黑雨警告，正好喺屋企開開心心慢慢試。🍫【CHOCONUT CRISPS 朱古力夏威夷果仁脆脆】呢個得獎朱古力堅果片，湖水綠包裝好靚。一打開就聞到濃郁嘅朱古力。食落口感鬆化、香脆可口，好味到食唔停口！🌶【XO SAUCE COOKIES XO醬曲奇】甜嘅曲奇食得多，今次我仲揀咗XO醬曲奇，就試到鹹味嘅版本。曲奇微辣，仲咬到瑤柱絲，層次豐富得嚟啖啖驚喜。🍍【JOYFUL JAM 快樂果醬曲奇禮盒】我一向都鍾意果醬曲。呢盒Jam Cookie有齊原味、果醬牛油、果醬朱古力同埋味道好出嘅菠蘿果醬荔枝四種風味。一試難忘，好好食。呢度的產品全部由香港製造，選用優質食材，堅持唔加入防腐劑色素。配上獨特創意口味和烘焙手藝，製作出多款富香港特色的產品。特別鍾意佢哋好似蒸籠嘅精美包裝，是不錯的送禮好選擇。嚟緊中秋我都考慮買佢哋嘅禮盒送俾客戶，新穎又高質。