月山

營業中

休息中

再嚟呢間位於中環、以和式舟屋為主題嘅日式料理店食晏，上次豪食完廚師發辦後，印象非常良好，因此今次再帶朋友嚟幫襯吓佢哋嘅午市定食先！呢度午市各有6款生同熟嘅定食畀大家揀，價錢由$268起，包前菜、頭盤、蒸物、湯同甜品，可以話係非常豐富。 月山海鮮丼 ($438)，店內嘅招牌定食，果然賣相同味道係店內嘅世一！小盒子嘅賣相，非常可愛，只要一打開蓋就會見到密麻麻嘅魚生鋪滿全個丼，真係連一粒米都見唔到架！鰹魚、海鰻、甜蝦、海膽、左口魚、拖羅、赤身、三文魚等樣樣都有齊，包你每啖飯都有豐厚嘅鮮甜味！ 刺身定食 ($398)，相比月山海鮮丼雖然只得甜蝦、海膽、左口魚、赤身、拖羅等刺身，但件件都厚切，味道鮮甜，配埋一碗粒粒晶瑩剔透、非常飽滿嘅米飯，女士們真係分分鐘會食唔晒架！ 北海道雲丹金槍魚腩杯 ($138)，如果你嚟到叫熟食定食但又想食吓呢度嘅刺身，呢款刺身杯可以話係你嘅一個好選擇！Cocktail 杯嘅造型，杯上裝有吞拿魚蓉、三文魚籽、海膽同醋飯，雖然細細杯，但賣相、鮮甜度一樣咁高質素。