會所1號 太子東堤 (已結業)

放工有時晏晏地，懶得煮，就出去同朋友食飯啦~ 公司附近有間ClubONE太子東堤，平日有同同事去飲茶，但食晚飯就第一次。點解話呢到係「二人撐枱腳食中菜之選」，係因為人唔多，傾計唔怕噪到隔黎我同朋友果晚唔太餓，叫個小食，大家傾下計先。 #椒鹽魷魚鬚 個外貌感覺好唔椒鹽(同預想有D出入)，但佢炸粉皮好薄，食落唔錯。兩個女仔食野唔多，一個肉一個菜就夠晒數。 #梨子醬汁骨 一上菜就噴射出陣陣惹味，食落似韓式醬；汁多，撈飯一流；肉就唔算好多，如果兩個男仔，就未必夠飽。我地仲叫左個 #鹽水杞子浸時蔬，好大盤菜，多到食唔晒；菜好香甜，但有幾條有筋，整體印象不俗