影片
更多
2024-06-13
55 瀏覽
長沙灣波希米亞風格嘅 Boholic係近年大受歡迎嘅打卡Cafe，入面嘅藤製凳、米白色主調裝潢、乾花擺設、吊燈嘅造型，同埋用心設計嘅打卡位，吸引咗唔少人慕名而去。餐廳有室內外座位選擇，亦係寵物友善餐廳之一。今次下午茶點咗二人鳥籠Tea Set，所有甜品都係由餐廳甜品師親自每日新鮮製作，可以喺Boholic過一個優閒嘅下午，一邊享受甜品。Boholic鳥籠下午茶拼盤精緻鳥籠造型嘅二人拼盤有5款甜點及3款鹹點。甜點有特濃黑芝麻芝巴斯克芝士蛋糕，賣相似流體畫嘅感覺，內餡口感軟滑，芝士味道濃郁之餘帶有黑芝麻味；夢幻法式馬卡龍，士多啤梨口味，酥脆嘅外皮，內裏口感綿密，中間夾住酸甜嘅士多啤梨醬，甜度啱啱好；蘋果金寶蛋糕卷，蛋糕口感軟綿，上面充滿濃郁嘅蘋果玉桂味；鮮芒果忌廉撻，芒果香甜，表層有金箔裝飾，撻底口感香脆。鹹點有卜卜脆黃金吉列蝦，炸得金黃酥脆；魚子鮮蝦牛油果醬撻，大蝦口感彈牙，魚子帶有鹹香，中間牛油果醬味道濃郁，好Creamy，撻底口感香脆；金文畢芝士巴馬火腿竹炭多士，材料豐富，金文畢芝士軟滑，Parma Ham味道鹹香，配上黑松露醬嘅香濃，味道層次豐富。Boholic小食拼盤小食拼盤嘅炸
長沙灣波希米亞風格嘅 Boholic係近年大受歡迎嘅打卡Cafe，入面嘅藤製凳、米白色主調裝潢、乾花擺設、吊燈嘅造型，同埋用心設計嘅打卡位，吸引咗唔少人慕名而去。
餐廳有室內外座位選擇，亦係寵物友善餐廳之一。今次下午茶點咗二人鳥籠Tea Set，所有甜品都係由餐廳甜品師親自每日新鮮製作，可以喺Boholic過一個優閒嘅下午，一邊享受甜品。
Boholic鳥籠下午茶拼盤
精緻鳥籠造型嘅二人拼盤有5款甜點及3款鹹點。
甜點有特濃黑芝麻芝巴斯克芝士蛋糕，賣相似流體畫嘅感覺，內餡口感軟滑，芝士味道濃郁之餘帶有黑芝麻味；夢幻法式馬卡龍，士多啤梨口味，酥脆嘅外皮，內裏口感綿密，中間夾住酸甜嘅士多啤梨醬，甜度啱啱好；蘋果金寶蛋糕卷，蛋糕口感軟綿，上面充滿濃郁嘅蘋果玉桂味；鮮芒果忌廉撻，芒果香甜，表層有金箔裝飾，撻底口感香脆。
鹹點有卜卜脆黃金吉列蝦，炸得金黃酥脆；魚子鮮蝦牛油果醬撻，大蝦口感彈牙，魚子帶有鹹香，中間牛油果醬味道濃郁，好Creamy，撻底口感香脆；金文畢芝士巴馬火腿竹炭多士，材料豐富，金文畢芝士軟滑，Parma Ham味道鹹香，配上黑松露醬嘅香濃，味道層次豐富。
Boholic小食拼盤
小食拼盤嘅炸物有炸雞翼、吉列蝦同埋炸魷魚鬚，炸雞翼入味，皮脆肉嫩；吉列蝦金黃酥脆；炸魷魚鬚酥香脆口，味道惹味，油而不膩。
Osmanthus Coffee Latte
桂花鮮奶咖啡，動物拉花精緻可愛，咖啡味道醇厚香濃，鮮奶入口順滑，帶有清香桂花味道餘韻。
Grapefruit Summer
西柚蝶豆花疏打，有紫色、黃色同埋粉紅漸變色調，顏色夢幻。蝶豆花含豐富嘅花青素，有美容保健功效。將蝶豆花漿同埋西柚汁攪勻，清新解喝。
張貼
