金亞淶泰國餐廳

營業中

休息中

【金亞淶泰國餐廳🇹🇭｜神秘驚喜嘅泰菜】近年唔少朋友進駐西九四小龍，多咗係附近搵好嘢食，今晚地膽朋友帶我去食泰好西！食咗啲咩呢？🌈手工泰式春卷炸得金黃，最重要係清爽無多餘嘅油。春卷內有紅蘿蔔絲、粉絲、木耳絲、味道唔錯，點埋酸醬感覺清新，好惹味香口。..🌈泰醬酸辣黑豚肉用一個籃承載，賣相幾特別，黑豚肉味香濃，醬汁集酸甜辣在一身，生洋蔥半熟，好爽脆清甜，係肉面放上炸蒜，成味餸嘅食材好夾，味道拼湊得好好味。..🌈黃咖哩海鮮配蒜蓉包我好欣賞呢份蒜蓉包，焗得脆口，蒜蓉份量適當，包面層仲有少許蜜糖層，將包浸入咖哩汁中，甚至乎連埋海鮮一齊食，都係好好味。海鮮以魷魚為主，仲有青口等素材，而咖哩就唔辣，香香甜甜易入口。..🌈青檸梳打驚喜位，泰國梳打水😛自己梳打自己沖，冰底有約半個新鮮青檸，切片備用。..🌈金鑽鮮菠蘿冰店員表示係用上新鮮菠蘿切粒，菠蘿粒粒份量都多，入口酸酸😛好醒胃，女士最愛。..🌈椰皇三重奏原個椰皇𠝹開，面層有椰子碎碎，再之後白𠽌𠽌係一層甜甜椰奶、再之後會見到半透明啫喱，啫喱椰子水味好濃，可能用上椰子製造，味道清甜，邊食仲會邊刮到椰肉，更有口感同層次。朋友說是為咗呢個甜品而嚟，我完全明白😉。