影片
更多
2021-03-17
132 瀏覽
有無人相信緣分㗎? 緣分嘅另一面其實會唔會係有一個人默默地追逐著你嘅身影呢... (多咗多咗)餐廳以花作為主題🌼🌾天花板同窗邊都放滿乾花作為裝飾 都幾夢幻同有格調㗎😚約會黎呢到 淨係聽個名都冧死啦 (讀出黎其實少譖氣)😆 餐廳面積比想像中細 位都唔太多，所以記得去之前要book位😉明太子貓耳朵鮭魚籽同明太子都ok多 不過蟹棒就得一條😂食落好creamy而且醬汁夠多，貓耳朵賣相幾可愛但口感偏硬 😶蜜糖芥末帶子燉飯值得嗌🤩個帶子微微煎香 唔會好乾身👍🏻醬汁略帶酸味 所以食多都唔會膩！仲可以跟餐配湯、麵包同飲品架🥣煙鮭魚手卷粉相對惹味，醬汁有種特別嘅咸香味😳但個煙三文魚似普通熟嘅三文魚多啲🧐Cafe仲有提供素食，小編就叫咗個蜜糖芥末貓耳朵😽味道同帶子燉飯一樣 係略帶酸味嘅忌廉雜菌意粉。黑松露薯條炸得幾脆口同埋好難會伏🍟只係黑松露醬個味唔太夠。香蕉窩夫普普通通無咩驚艷嘅點就唔多講啦😄反而嘢飲果邊有驚喜‼️鮮奶培茶入口香濃，味道似出面嘅炭培烏龍加奶蓋🥤鮮奶抹茶一樣都非常好飲，如果抹茶味再濃少少會更理想🍵草莓鮮奶個人就麻麻，事關個草莓味有少少奇怪 莫名有陣類似番茄嘅味…🤨個人覺得整體價錢就偏貴💸不過
餐廳以花作為主題🌼🌾天花板同窗邊都放滿乾花作為裝飾 都幾夢幻同有格調㗎😚約會黎呢到 淨係聽個名都冧死啦 (讀出黎其實少譖氣)😆 餐廳面積比想像中細 位都唔太多，所以記得去之前要book位😉
明太子貓耳朵鮭魚籽同明太子都ok多 不過蟹棒就得一條😂食落好creamy而且醬汁夠多，貓耳朵賣相幾可愛但口感偏硬 😶蜜糖芥末帶子燉飯值得嗌🤩個帶子微微煎香 唔會好乾身👍🏻醬汁略帶酸味 所以食多都唔會膩！仲可以跟餐配湯、麵包同飲品架🥣
煙鮭魚手卷粉相對惹味，醬汁有種特別嘅咸香味😳但個煙三文魚似普通熟嘅三文魚多啲🧐Cafe仲有提供素食，小編就叫咗個蜜糖芥末貓耳朵😽味道同帶子燉飯一樣 係略帶酸味嘅忌廉雜菌意粉。
黑松露薯條炸得幾脆口同埋好難會伏🍟只係黑松露醬個味唔太夠。香蕉窩夫普普通通無咩驚艷嘅點就唔多講啦😄反而嘢飲果邊有驚喜‼️鮮奶培茶入口香濃，味道似出面嘅炭培烏龍加奶蓋🥤鮮奶抹茶一樣都非常好飲，如果抹茶味再濃少少會更理想🍵草莓鮮奶個人就麻麻，事關個草莓味有少少奇怪 莫名有陣類似番茄嘅味…🤨
個人覺得整體價錢就偏貴💸不過睇得出無論食物、環境同餐具都有落心思嘅！小編今次係夜晚去🌃裝飾花嘅色唔太出，所以建議日頭去影相會靚啲📸
有個地方想吐槽一下 就係啲食物名真係好長😩不過好嘅點係 菜單上面會有啲小備註去簡單描述個味道。
🌟 鮮茄醬煙鮭魚手卷意粉 ($108)
🌟 北海道刺身帶子蜜糖芥末義大利燉飯 ($138)
🌟 素食-蜜糖芥末鮮奶油貓耳朵 ($98)
🌟 明太子岩鹽燒蟹棒鮭魚籽貓耳朵($138)
🌟 黑松露炸薯條 ($68)
🌟 香蕉朱古力窩夫 ($85)
🌟 鮮奶培茶 (跟餐+$46)
🌟 鮮奶抹茶 (跟餐+$46)
🌟 紅寶石巧克力草莓鮮奶 (跟餐+$58)
另收加一服務費
味道：🌕🌕🌕🌕🌑
環境：🌕🌕🌕🌕🌗
價錢：🌕🌕🌕🌗🌑
張貼
