影片
更多
2023-02-12
32 瀏覽
香港嘅日本料理餐廳大行其道，總有啲以前幫襯過，但腦海一直遺忘咗，唔會專登去食但經過又未必記起，別府就係其中一間。重塑腦海內回憶，別府算係中價日本餐廳，以九州做主打，別府出名景點地獄溫泉，故餐廳一直用地獄辣做賣點。今日再試，居然有小驚喜！餐廳近排做激安祭，期間限定，係幾難以抗拒。🍴宮崎牛壽喜鍋 和牛宮崎牛值得留意！呢隻牛，係日本經常獲獎，品質有保證！簡單放入壽喜燒輕灼數十秒，牛肉口感緊緻滑順，油花均勻散佈，口感不油膩。加埋雞蛋，肉稔重香，齒頰留香。壽喜燒材料充足，有唔少娃娃菜蘿蔔，另外有金菇同豆腐，最吸睛係日本粉絲，將所有精華吸晒。🍴宮崎火灸牛丼除咗邊爐，仲想食飯類。另點牛丼，牛丼同樣用上宮崎牛，肉質一樣稔，以火直燒更增添一份油香和滿足感。餐廳仲用晴岡米，口感堅實，黏度適中，凍咗亦不會變硬，做丼飯非常合適。🍴柑橘鰤魚刺身職員強烈推介，話味道鮮甜，值得一試。上網睇資料，漁民將柑橘打爛組成飼料餵鰤魚，可抑制魚腥，亦令魚肉有淡淡柑橘味，不過我就唔太覺。刺身肥美，口感厚實，味道亦相對濃，甘甜而且有魚油香，如果鍾意油甘魚嘅，應該會鍾意呢個。餐廳用日本食材又有心機，二人同行花費450幾。簡單食一餐，
重塑腦海內回憶，別府算係中價日本餐廳，以九州做主打，別府出名景點地獄溫泉，故餐廳一直用地獄辣做賣點。
今日再試，居然有小驚喜！餐廳近排做激安祭，期間限定，係幾難以抗拒。
🍴宮崎牛壽喜鍋
和牛宮崎牛值得留意！呢隻牛，係日本經常獲獎，品質有保證！簡單放入壽喜燒輕灼數十秒，牛肉口感緊緻滑順，油花均勻散佈，口感不油膩。加埋雞蛋，肉稔重香，齒頰留香。
壽喜燒材料充足，有唔少娃娃菜蘿蔔，另外有金菇同豆腐，最吸睛係日本粉絲，將所有精華吸晒。
🍴宮崎火灸牛丼
除咗邊爐，仲想食飯類。另點牛丼，牛丼同樣用上宮崎牛，肉質一樣稔，以火直燒更增添一份油香和滿足感。
餐廳仲用晴岡米，口感堅實，黏度適中，凍咗亦不會變硬，做丼飯非常合適。
🍴柑橘鰤魚刺身
職員強烈推介，話味道鮮甜，值得一試。上網睇資料，漁民將柑橘打爛組成飼料餵鰤魚，可抑制魚腥，亦令魚肉有淡淡柑橘味，不過我就唔太覺。
刺身肥美，口感厚實，味道亦相對濃，甘甜而且有魚油香，如果鍾意油甘魚嘅，應該會鍾意呢個。
餐廳用日本食材又有心機，二人同行花費450幾。簡單食一餐，價錢質素非常合理。
值得一讚，職員照顧好周到，總會介紹食材同埋照顧我哋嘅需要！簡單一餐飯，已經好加分！
張貼
