影片
更多
2016-07-20
504 瀏覽
一早聽聞過來自新加坡嘅【樂天皇朝】八色小籠包，今次終於同朋友一齊嚟食啦！知道銅鑼灣有分店，但朋友都唔係住港島區所以好少去果邊食～今次終於等到佢旺角開分店啦！仲要係正地鐵站旁邊嘅雅蘭入面呢個八色小籠包必點啦！仲叫咗以上呢d～唔知實物同相相唔相符呢旁邊仲有教你跟次序去食～由淡到濃原味、人參、鵝肝、黑松露、起司、蟹粉、蒜香、麻辣不過多過一個人就好難跟住呢個次序～都係睇自己最想試係咩味啦個人最推薦：鵝肝、黑松露、蟹粉黑松露一咬落去，個皮爆開之後就食到超濃郁既黑松露味，中西合壁嘅感覺鵝肝同蟹粉雖然冇黑松露果個咁濃烈，不過個湯汁都充滿果隻特色嘅味（但咬落係小籠包嚟）而呢個混色小籠包係咩東東嚟？經理話係FB搞咗一個比賽係諗一種代表香港本土特色嘅味將佢實際整出嚟做小籠包口味，就變咗眼前嘅「避風塘炒蟹口味」啦！一咬落去好似真係食緊避風塘炒蟹咁樣呀喂！果種香味同辣味都唔似會出現係小籠包身上，朋友都話好有驚喜呀！我地仲叫咗清炖雞湯，我喺一個無湯不歡嘅人鐘意呢個清湯唔油仲幾清甜，雞味好濃，雞件都有3舊～肉質嫩滑，唔錯！陳皮五香牛肉本身以為只有10舊咁上下～一嚟到份量真係好多呀～～我地差d仲食唔哂～陳皮味其實就
一早聽聞過來自新加坡嘅【樂天皇朝】八色小籠包，今次終於同朋友一齊嚟食啦！知道銅鑼灣有分店，但朋友都唔係住港島區所以好少去果邊食～
今次終於等到佢旺角開分店啦！仲要係正地鐵站旁邊嘅雅蘭入面
呢個八色小籠包必點啦！
仲叫咗以上呢d～唔知實物同相相唔相符呢
旁邊仲有教你跟次序去食～由淡到濃原味、人參、鵝肝、黑松露、起司、蟹粉、蒜香、麻辣
不過多過一個人就好難跟住呢個次序～都係睇自己最想試係咩味啦
個人最推薦：鵝肝、黑松露、蟹粉
黑松露一咬落去，個皮爆開之後就食到超濃郁既黑松露味，中西合壁嘅感覺
鵝肝同蟹粉雖然冇黑松露果個咁濃烈，
不過個湯汁都充滿果隻特色嘅味（但咬落係小籠包嚟）
而呢個混色小籠包係咩東東嚟？經理話係FB搞咗一個比賽係諗一種代表香港本土特色嘅味
將佢實際整出嚟做小籠包口味，
就變咗眼前嘅「避風塘炒蟹口味」啦！
一咬落去好似真係食緊避風塘炒蟹咁樣呀喂！
果種香味同辣味都唔似會出現係小籠包身上，朋友都話好有驚喜呀！
我地仲叫咗清炖雞湯，我喺一個無湯不歡嘅人鐘意呢個清湯唔油仲幾清甜，雞味好濃，
雞件都有3舊～肉質嫩滑，唔錯！
陳皮五香牛肉本身以為只有10舊咁上下～一嚟到份量真係好多呀～～
我地差d仲食唔哂～陳皮味其實就唔係好突出，不過肉質腍身搭救
前菜仲叫咗撈伴海中寶，海蜇口感非常爽口仲有蝦同豉油伴，上面仲有蒜蓉同辣椒幾香，不過不失～
朋友指定order呢碟賽螃蟹，中間仲有蛋黃可以撈埋嚟食其實賽螃蟹係以大量的油炒蛋白咁整出嚟，不過呢碟又唔算好油
加埋小小醋酸酸地，都幾提味～
竹筒剁椒魚片係經理推介之一，我本身唔係幾食得辣，所以叫經理少辣，少辣之後嘅辣味剛剛好
有剁完隻辣椒既香，一舊魚加小小蔥同點汁就好正！
魚片仲要薄薄一片都好彈牙爽口，估唔到個竹筒入面都有好多塊魚片呀
成台都係美食～～
甜品時間又來啦！女仔就係鐘意食甜品，但又怕太飽
所以就叫左高力豆沙，空氣感得黎又唔會好飽
上台時熱辣辣，加分！咬落鬆軟豆沙又唔會好甜，合格！
我地仲好奇咁問經理咩叫「宮廷驢打滾」原來呢道甜品係新鮮即製，聞說係慈禧太后好鐘意食既甜品嚟
到底係咩黎呢？就係糯米卷包住豆沙餡，好似香蕉糕咁你就明嫁啦！
仲以為佢會好煙韌，糯米個皮好厚果D
點知一食落口好有驚喜～～竟然係軟滑嘅～正wo又!
加上豆沙餡唔甜所以我一個人就食左2大舊啦
2個女仔就食左咁多樣野～～價錢雖然都唔係平嫁啦
不過話哂都係功夫菜，有d仲係即叫即製，間中一餐食好既都OK既～
張貼
