薄餅博士 (已結業)

同事生日，叫雞叫pizza, 人生永遠在PHD同Pizza Hut之間掙扎(如果你剛好附近兩個都有)。格完一輪價之後，都係選擇weekday套餐貴廿蚊的PHD, 最大原因佢有燒烤汁底Pizza。上網訂，一至五$168餐任選大批一個+一個飯或意粉+八隻雞翼，網上買滿$180送四隻咖喱角，於是加咗$28叫咗四條芝士條籌夠$180。但網站一定要email login先訂到，有啲煩。速遞員比預定時間早10分鐘到，而且非常有禮。Pizza真係好好味，汁多料多，個底有貴價pizza feel, 唔會好似pizza hut厚批咁油淋淋，即時覺得自己選擇正確。芝士白汁海鮮飯十級難食，個汁化學怪味柚子雞翼用原味雞翼撈一層平時沖韓式柚子茶個jelly，幾開胃。芝士條係炸春卷狀，內裡用mozzarella芝士，取其煙韌口感，但芝味不濃。咖喱角配一個泰式蛋黃醬，咖喱味不濃。