阿姐海鱻養生火鍋私房菜 (已結業)

🍲宋皇臺站開咗之後，好方便就可以入九龍城呢個出名多好嘢食嘅地方搵嘢食，對foodie真係福音！今次試咗間火鍋店勁有驚喜，因為成個套餐係小食➡️燉湯➡️活魚刺身➡️雞煲➡️火鍋咁落，真係勁多野食，兩人嘅餐但根本係三人份量，由種類，到份量到質素都係好高分嘅選擇，性價比好高😍🍲先嚟小食係萵荀，我覺得好啱，打邊爐同食煲都偏熱氣，萵荀可以清胃熱～而燉湯係五指毛桃煲雞，好飲同清甜，飲得出無乜添加。然後到咗重點之一，活魚刺身！邊有諗過呢類港式火鍋店有咁高質嘅刺身，擺盤勁有美感，有種去咗🇯🇵嘅感覺！一睇都知新鮮到爆，因為鯛魚個魚頭魚尾一路都仲神經反射郁郁下！配佢地個酸汁食係無得頂😍 刀功仲要好好，每片薄到透光，點估到港式火鍋店會有咁勁嘅大師傅助陣！？😎🍲到雞煲啦，揀咗BB辣，啱啱好食到唔洗飲水～兩個優勝之處令到佢係一煲出色嘅雞煲，第一就係啲雞保持到嫰滑😋第二係佢加咗大大舊花膠一齊整，好香好惹味，花膠索晒啲汁一流！終於到咗打邊爐時間，未開始已經半飽哈哈哈哈，個玩法係佢會有個時日靚海鮮拼盤比你再外加八款餸～海鮮拼盤好有驚喜唔馬虎，龍蝦，鮑魚，大蜆，蝦，蟹，魚腩，應有盡有😍 而再揀嘅餸入面我比較推介牛頸脊，鴨血同即