阿姐海鱻養生火鍋私房菜 (已結業)

有屯馬線去九龍城方便左，所以同同事放工去打邊爐。呢間火鍋店雖然唔係任食，基本上一個set乜都有齊，應該都夠食。最尾揀左阿姐牛魔皇火鍋($398/位)。🔅廚師推介小食雞腳硬左少少，唔太咬到😅。🔅象拔蚌刺身擺盤擺得幾靚，中間好似係個膽，staff話丟落去煮熟幾好，但我地都唔敢食😂。象拔蚌都幾多幾新鮮，唔錯。🔅是日精選燉湯湯都ok，普普通通無乜味精。🔅香辣牛筋雞煲平時食雞煲就淨係得雞，呢個有埋牛筋，大約6-7舊。煮得啱啱好先丟落去，無煲到霉晒，有少少辣夠惹味！雞就普普通通，都多，都算多肉。🔅火鍋湯底有辣同唔辣，揀左鴛鴦。牛就唔辣，熊仔就辣，打卡一流😂。🔅牛魔皇月光寶盒擺得幾靚，牛都幾好食，應該計人頭每人每款有2件。🔅海鮮 & 火鍋配料 (任選8款)呢到揀既牛就無月光寶盒既咁好食，其他配料都普通。💬Set唔夠既可以再散叫，但其實食個set都夠晒😋。有加一，指定飲品+$20任飲，+$30指定啤酒任飲，飲品種類唔算多。Overall都正常，有少少特色打卡位(月光寶盒同火鍋牛&熊仔)，但cp值唔算好高，未至於會特登去九龍城食。…查看更多

九龍城一向都係食店林立嘅美食區，自從宋皇臺站開通之後，去九龍城就方便就好多喇，今日就難得同幾個好好好友黎gather啦！呢間阿姐海鱻養生火鍋私房菜火鍋店主打新鮮海鮮同養生食材，店員仲好周到架👍🏻👧🏻Caca今次食乜野?阿姐特色海鮮火鍋活魚刺身套餐$348/位🥢即製活魚刺身：肉質新鮮清甜，見到條魚尾仲郁郁下🙊魚頭魚尾可椒鹽炸做二食，絕不浪費！🥢燉湯：當日最滋補養生湯🥢花膠雞煲：花膠好厚好大塊😚骨膠原滿滿🥢阿姐養生鍋底：有紅棗、桃膠等滋潤養顏湯料🥢海鮮盤：龍蝦、活鮑魚、肉蟹、大蜆，全部都係新鮮即場準備，鮑魚仲郁緊😱，龍蝦鮮甜肉質100%彈牙🥰🥢手切本地牛頸脊🥢自選7款鮮製火鍋配料：即炸脆響鈴（仲熱辣辣架！）、黑松露墨魚丸、鮮蝦水餃、牛拍葉、脆皮芝士腸、娃娃菜、萵筍片…查看更多

----------🥘阿姐特色海鮮火鍋活魚刺身套餐 $348 (⚠️限時優惠再減$105⚠️)套餐包括:🍲小食🐟活魚刺身🍵燉湯🐣花膠雞煲🥘麻辣鍋/養生火鍋🦐海鮮盒🥩火鍋配料(任選8樣)-一個套餐已經勁勁勁豐富，咁嘅價錢食到咁新鮮咁高質嘅食材，應該少之又少。而且店員態度好熱情，有咩需要都會即刻幫你🤣-活魚刺身新鮮清甜又爽口。燉湯係老火湯，冇味精又足料。花膠好厚身，雞肉好入味。海鮮盒勁新鮮，上菜嘅時候海鮮仲郁緊，有鮑魚、龍蝦、青口、蜆、蝦、魚，因為勁新鮮，所以全部海鮮肉質爽口彈牙。食完雞煲/海鮮盒，仲可以揀8款火鍋配料，每款份量都好多，大食嘅你都一定會好飽，食完大滿足。----------📍阿姐海鱻養生火鍋私房菜🔎九龍城福佬村道62-64號福聯大樓地下B號舖…查看更多

屯馬線啱晒我呢啲住喺馬鞍山嘅人出去九龍城搵食😍😍😍今次去咗係宋王臺站附近嘅#阿姐海鱻養生火鍋私房菜 打邊爐! 可以揀自己叫，或者阿姐特色海鮮火鍋活魚刺身套餐🐠🐠今次就嗌左活魚刺身套餐，345/位(2位起)* 第一樣嚟嘅係前菜: 芝麻萵筍* 之後有佢嘅老火湯: 非常好味嘅老火雞湯，開胃🤩* 之後就係活魚刺身喇！好新鮮，清甜爽口，兩個人食一條都好想繼續食🙈🙈* 揀咗個唔辣嘅雞煲，見到入邊有好厚嘅花膠，啲雞都好彈牙，好惹味😍😍😍* 之後換咗湯底，打邊爐，有個海鮮超級盒，有鮑魚、龍蝦、青口、蜆、蝦、魚，d海鮮勁新鮮，嚟嘅時候重郁緊🤣* 重包八樣其他食物🥰 食到好飽飽😛…查看更多

⠀⠀⠀🦐阿姐海鱻養生火鍋私房菜🦞⠀⠀⠀⠀⠀⠀😈近來屯馬線開通, 今次小妹去左九龍城發掘美食。咁就試咗間主打海鮮的港式火鍋店，阿姐特色海鮮火鍋活🐟刺身套餐為招牌之選👨🏻‍🍳⠀⠀⠀⠀⠀⠀🙆🏻♂⠀M͓̽y͓̽ ⭕r͓̽d͓̽e͓̽r͓̽ ⠀🙆🏻⠀⠀⠀⠀↓⠀⠀⠀⠀🥘阿姐特色海鮮火鍋活魚刺身套餐 (💲348/位(2️⃣位起),有多款海鮮而且質素唔錯。⠀⠀⠀⠀⠀⠀⠀⠀⠀⠀⠀⠀①首先上菜既主食係活🐟刺身, 我地個日果條係黑鯛黎既, 口味鮮甜爽口。②🌶️秘製香辣花膠🐔煲花膠厚身成5-6塊足料，口感Q彈，雞塊嫩滑。我地揀咗香辣味BB辣唔算辣, 好惹味，花膠索嗮d汁一流，but建議大家揀返小辣，會再正d 🙈❗⠀⠀⠀⠀⠀⠀⠀⠀⠀⠀⠀⠀③阿姐養生鍋底 l 海鮮超級盒 🐡🦞食完🐔煲會換邊爐鍋, 佢個海鮮盒有多款海鮮-海蝦, 大蜆, 龍躉頭腩, 🤩鮑魚好大隻好新鮮仲識郁, 仲有原隻開邊澳洲🦞, 滾水落鍋6分鐘食得,好鮮味❗8️⃣款火鍋配料, 大家可應自己喜好揀✅⠀⠀⠀⠀⠀⠀⠀⠀⠀⠀⠀⠀✨重點一提💃🏼女仕黎呢到必叫養生湯底, 成煲桃膠好足料好鮮味又養顏🧏🏻‍♀️⠀⠀⠀⠀⠀⠀👅為食指數：8/10⠀⠀⠀⠀⠀⠀💕p.s有興趣食嘅話仲可以用我的推薦代碼「 pphs9 」兌換$105現金回贈卷添‼️ 瀏覽 sparkol_hk 就可以了解更多推薦代碼使用詳情 🤗⠀⠀⠀⠀⠀⠀🍷阿姐海鱻養生火鍋私房菜 🍷 📍九龍城福佬村道62-64號福聯大樓地下B號舖⏰ Mon-Sun 1100-1500, 17:30-02:00 ⠀⠀⠀⠀⠀…查看更多

屯馬開通真的胃興奮，終於有地鐵駁去美食天堂—九龍城喇！究竟呢度係咪得泰國嘢食呢？其實呢度啲火鍋店都出名新鮮好食㗎呢間新開嘅火鍋店，有個幾抵食嘅套餐，刺身、雞煲、火鍋一條龍，仲有湯水同前菜𠻹:)前菜係涼拌麻辣牛肚，冰涼嘅辣香確實打開胃之大門湯水個名好長，大胃都唔記得喇，色水好清，但飲落好濃瓜味同肉香，作為熱身真不錯大胃未食過活魚刺身，上到檯以為條魚已魂歸天國，但哥仔話只係整暈咗佢，隨時會醒，咁唯有快脆啲趁新鮮食完佢，快啲交返畀大廚處理未清理嘅佢啦！但確實係鮮味爆燈，點埋醬真係更突出其鮮香跟住就雞煲，除咗雞肉，仲有大大塊花膠，大塊到要哥仔邊炒邊切細舊，炒到雞肉同花膠吸晒味食完雞煲會換另一個煲，大胃揀咗養生麻辣鴛鴦鍋，養生鍋勁多桃膠，飲落鮮甜香滑，而麻辣湯底則麻香為主仲有個海鮮盒味，有鮑魚、龍蝦、青口、蜆、蝦、魚，有啲仲郁郁吓，非常新鮮，滾夠幾分鐘食，真係啖啖肉超鮮味仲有仲有頭先嗰條魚，經處理上碟，可以直接用嚟打邊爐，吸住湯味食佢，新鮮又滑口打邊爐可以揀8款餸，不一一詳述。大胃覺得牛頸脊嗌得過，好嫩好有油香有啲肉丸幾好味，好似黑松露墨魚丸同養生美容蝦丸，彈牙香口無比芫荽餃又真係爆荽，外皮厚度剛好響鈴炸得爽脆，吸晒湯味超過癮…查看更多

超豐富盛宴 雞煲、龍蝦、活魚刺身、麻辣火鍋🌶-由屯馬線開通前食，到而家屯馬線開通後先出，完全證明咗田中嘅懶惰。不過田中重申，真係唔想再聽到綠袖子。順帶一提，呢到老闆(?)真係極度好客，而且都係同聲同氣嘅真香港人，有種份外嘅親切感，好似係屋企食飯咁。-🥘阿姐特色海鮮火鍋活魚刺身套餐 ($348)有齊雞煲、海鮮盒(龍蝦、鮑魚、多寶魚、蝦蟹、大蜆)、活魚刺身、麻辣火鍋、燉湯。🍣活魚刺身1️⃣新鮮嘅包公鯛魚刺身，鯛魚一向油脂感少，但較鮮甜，肉質彈牙，極誘人。2️⃣值得一提，店家會將剩返嘅魚頭魚尾切片，可以打邊爐食，非常細心。🥘花膠雞煲雞煲有驚喜，絕對唔馬虎，上枱開爐，係面前即炒，非常香口惹味，麻辣勁，花膠索汁後極惹味。🦞海鮮超級盒內有齊龍蝦、鮑魚、多寶魚、蝦蟹、大蜆，龍蝦彈牙鮮甜，其中大蜆亦極大隻鮮甜，值得encore再叫。🥩四川麻辣鍋/阿姐養生湯底麻辣湯底出奇地濃郁，另外可以自選8款火鍋配料，必叫手切本地牛頸脊，淥幾秒，入口即刻牛香四溢。👍🏻8/10…查看更多

🍲宋皇臺站開咗之後，好方便就可以入九龍城呢個出名多好嘢食嘅地方搵嘢食，對foodie真係福音！今次試咗間火鍋店勁有驚喜，因為成個套餐係小食➡️燉湯➡️活魚刺身➡️雞煲➡️火鍋咁落，真係勁多野食，兩人嘅餐但根本係三人份量，由種類，到份量到質素都係好高分嘅選擇，性價比好高😍🍲先嚟小食係萵荀，我覺得好啱，打邊爐同食煲都偏熱氣，萵荀可以清胃熱～而燉湯係五指毛桃煲雞，好飲同清甜，飲得出無乜添加。然後到咗重點之一，活魚刺身！邊有諗過呢類港式火鍋店有咁高質嘅刺身，擺盤勁有美感，有種去咗🇯🇵嘅感覺！一睇都知新鮮到爆，因為鯛魚個魚頭魚尾一路都仲神經反射郁郁下！配佢地個酸汁食係無得頂😍 刀功仲要好好，每片薄到透光，點估到港式火鍋店會有咁勁嘅大師傅助陣！？😎🍲到雞煲啦，揀咗BB辣，啱啱好食到唔洗飲水～兩個優勝之處令到佢係一煲出色嘅雞煲，第一就係啲雞保持到嫰滑😋第二係佢加咗大大舊花膠一齊整，好香好惹味，花膠索晒啲汁一流！終於到咗打邊爐時間，未開始已經半飽哈哈哈哈，個玩法係佢會有個時日靚海鮮拼盤比你再外加八款餸～海鮮拼盤好有驚喜唔馬虎，龍蝦，鮑魚，大蜆，蝦，蟹，魚腩，應有盡有😍 而再揀嘅餸入面我比較推介牛頸脊，鴨血同即炸響鈴！🍲呢個餐每人收$348再加一，但其實可以當兩餐去計，因為勁飽，如果大家去食嘅話前一餐可以唔食／食小小就夠。。。另外必須一提係服務態度極佳，係同類型餐廳無預計到嘅優點！…查看更多

🇭🇰阿姐海鱻養生火鍋私房菜·活魚刺身套餐$348我地見到呢個套餐好似好抵食咁 就決定去試下😈佢個套餐真係超級豐富 而且野食都相當唔錯 尤其係佢既海鮮超級新鮮😍😍·是日精選燉湯 l 廚師推介小食佢個燉湯飲落幾舒服 清清地咁 不過佢就無湯渣既 之後佢個炸雞鎚出奇地好好味 肉質好嫩 而且炸到好香口 配埋個泰式辣醬超級開胃🤤🤤·時令活魚刺身之後呢個佢一上到黎我哋嚇親 我哋本身以為佢係三文魚嗰啲 點知我哋兩個人都係有成條魚 超誇張😂😂佢呢個真係超級新鮮 上到黎條魚尾仲郁緊 我地個日個條係黑鯛黎既 淡味少少但係口感唔錯 配埋佢個酸汁幾開胃 不過我自己覺得佢有D太凍🤣·花膠雞煲之後佢個花膠雞煲超級惹味 不過我覺得大家可以嗌辣少少 我地嗌個BB辣唔係好辣 要真係食到最尾先有D辣味😂佢個雞同埋洋蔥都超級入味 係個雞細粒左少少但係兩個人都超夠😌但係成煲最好味都係個花膠 佢係超後深 而且索曬汁 超正🤤🤤·阿姐養生鍋底 l 海鮮超級盒 l 火鍋配料佢個海鮮盒超正 鮑魚好大隻 而且超級新鮮 之後佢隻蟹仔係細細隻個D黎既 但係超級鮮甜🦀隻龍蝦同大蝦都超好食 肉質好彈牙🦞之後佢個湯底就咁飲都唔錯 尤其係加完海鮮之後有曬佢地D精華😈配料方面大家係可以揀8樣既 我自己覺得墨魚滑 萵筍片都唔錯 其他就正正常常啦 係個鴨片騷左少少🤭🤭…查看更多

最近同朋友去咗九龍城行街👬🏻！突後之間好想食火鍋🍲！經過一間好似新開嘅火鍋店✨！覺得個名都幾特別！叫做阿姐海鱻火鍋私房菜 @sister_hotpot8 💁🏻‍♀️！睇完個餐牌就見到有一個好吸引嘅活魚海鮮套餐🤩！跟住就決定點呢個餐！店員就拎咗一個好古式嘅茶壺🫖！初初我以為係茶☕️嚟嘅原來係燉湯！仲要係好好飲嘅五子毛桃杞子元肉響螺頭燉烏雞湯🐓！好驚喜！之後重頭戲就嚟啦！嗰個魚刺身真係好新鮮上枱嗰彈條魚仲郁緊㗎🤭！條魚魚肉好爽好鮮甜！一定要試😋！食完個活魚刺身之後！店員就走出嚟問我想要乜嘢辣度嘅花膠雞煲😍！我揀咗小辣！個花膠辣雞煲真係好香好惹味🤤！味道真係有重慶香辣嘅原味！而且份量啱啱好！夠晒兩個人食👍🏻！食完個雞煲之後就嚟主打嘅鴛鴦麻辣火鍋🔥(我揀咗麻辣湯底同埋養生鍋湯底🙋🏻‍♂️）！驚喜陸續有嚟🥳！店員再送上一個海鮮拼盤💦！海鮮拼盤入邊有好大隻嘅龍蝦🦞、南非鮑魚🦪、新鮮海蝦🦐、大蜆🐚、多寶魚件🐟、青口等等！真係超級豐富呀❤️‍🔥！食完個海鮮拼盤之後！店員在俾我哋揀火鍋配料！我二選一揀左我至愛嘅手切本地牛頸肩🐮！牛肉嘅脂肪比例好平均食落口真係好重牛肉味同埋好滑🙆🏻‍♂️！同埋叫咗另外七款套餐包嘅火鍋配料！身為海鮮愛好者嘅我梗係再加碼叫多幾款海鮮🥰（有鮮甜帶子、龍躉班片、花膠片、脆鯇魚片、小羔羊片、油麥菜等等）🛑大家要留意啊！你叫咗套餐只要加$20就可以任飲佢包嘅飲品🧃！好似有竹蔗茅根、雪梨茶等等嘅清熱飲！打邊爐飲下火🔥最啱🤗！我同我朋友足足食咗三個鐘真係覺得好豐富好滿足！成個套餐都係大概400$一個人！可以食到咁新鮮嘅海鮮餐💦真係冇諗過可以咁抵😃！而且值得一讚嘅係店員嘅服務態度同埋食物質素真係遠超乎我所想像👍🏻👍🏻👍🏻👍🏻👍🏻！我下次一定會再嚟食呢個活魚海鮮套餐💫！…查看更多

一見到美食就抗拒不了🤤今次帶媽咪去九龍城搵食九龍城出名多好嘢食今次去咗其中一間叫阿姐海鱻養生火鍋私房菜問過店員原來店名鱻係讀鮮第一次見呢個字第一次嚟店員推介我哋叫活魚刺身套餐成個套餐係超級多野食食到我同媽咪勁飽完全係4個人既份量就算好大食都完全唔洗擔心唔夠野食😂..套餐首先上咗個活魚刺身🐟食落真係好新鮮好足料魚肉仲係好有咬口同鮮甜可以點佢哋特製嘅配汁或者Wasabi豉油之後有個花膠雞煲🐥可以自由選擇辣度我地揀咗小辣食落好惹味呢個時候我地已經飽咗七成跟住主角火鍋湯底出場啦我地叫咗養生拼麻辣鴛鴦鍋🍲超有去咗台灣既感覺湯底味道好濃郁套餐包咗一個海鮮盒🦞裏面有龍蝦、鮮蝦、鮑魚、花蟹、大蜆等等全部海鮮都好鮮味特別鍾意龍蝦超級鮮甜仲可以自選八款火鍋配料..套餐係$348/一位呢個價錢可以食到新鮮海鮮火鍋真係超值🤩性價比超高下次會再同朋友去食！..阿姐海鱻養生火鍋私房菜九龍城福佬村道62-64號福聯大樓地下B號舖…查看更多

我昨天有朋友相约九龍城食饭，因太多選擇，我們一行4人我睇openrice的介绍，最后選擇了一間應該是新開不久的火鍋店，因為有個字我們有點陌生，地址是九龍城福佬村道62号至64号阿姐海鱻火鍋私房菜，个招都幾吸引，好光猛，一入去坐底後亦有跟正防疫規矩後就開始點餐，原来這裏有個活魚海鲜套餐，經由店員介绍下就叫了4位的套餐，一開始就有一壶古式的茶壶似飲茶的銅壶的飲品，原来是炖湯來的，原来是五子毛桃杞子元肉螺頭炖烏雞，個炖湯味很好，食不到有咪精的炖湯，跟著就上一个4位的小食，當日小食是炸魚片頭，再來就來了一条仲會郁的活鱼刺身，条鱼肉很甜很爽，食過後店員就攞了一個我們選擇中辣的花膠雞煲，個花膠辣雞煲都幾滑口，味道仲有D似新圳的雞煲味道，份量刚刚好4位用，食好後就上个養生鍋拼麻辣的鍋底，還有4位的海鲜盒，海鲜盒內有龍虾仔，南非鲍，海虾，大蜆，多寶鱼件，青口，都幾豐富喎，後還有可再選擇兩款牛肉之一款再選擇七款火锅配料，其實我們仲諗緊食唔食得哂，但又冇利由蝕底嘛，最後選擇黑松露墨丸，虾滑，勁爆芫茜饺，白鱼旦，鸭血(因為有麻辣湯底），即炸響鈴，叫番個西洋菜，原来套餐内的飲品仲可以加每位$20任飲，經過一輪瘋狂的食慾，都原来食咗兩个小時了，很飽，很满足後就埋單走人，價錢比想象中接受，$340+$20x4位=$1440加一后共$1584埋單，我們每位4百大元就慢步走人，這餐聚饭都幾經濟，食品俾價錢都公道，下次一定再返来再试佢地的自選火锅，講到哩到我都想返去再試，拜拜…查看更多