影片
更多
2024-10-28
125 瀏覽
今日去咗灣仔一間叫「Maison ES」嘅法國餐廳食精緻西餐，餐廳位於灣仔星街附近嘅一條斜路，見到門口已經覺得好有法國特色，入面嘅環境好有氣氛，裝修亦都好華麗，原來係佘詩曼主演嘅新聞女王拍攝場地，啱晒閨蜜聚會、情侶約會同慶祝紀念日嚟食啦，我哋今晚嗌咗個 4-course dinner set!🍊Saint Louis Blanc de Blancs BrutDinner set包咗一杯welcome drink，係來自法國嘅sparkling wine，帶有桃、蘋果同梨嘅香味，飲落去有淡淡嘅花香同果香味，甜度同酸度適中，都幾開胃🍊Sea Cucumber Meat呢道fusion前菜賣相好吸引，用爽口彈牙嘅貴妃蚌做主題，配上鮮甜爆汁嘅三文魚子同營養豐富嘅豌豆，用柚子汁同XO醬做調味，上面用薯仔打成嘅分子泡沫同青檸檬泡沫做裝飾，味道同口感嘅層次都好豐富，集合鮮甜、清新、香辣嘅口味🍊The "Tartare”呢道前菜都係法式同港式嘅fusion菜，用鹿兒島和牛嘅肩胛里脊做牛肉他他嘅材料，混合港式沙嗲醬做調味，味道比平時食嘅他他更加濃郁，上面配四件好精緻嘅鵪鶉蛋加魚子醬，食落充滿鮮味，將和牛
🍊Saint Louis Blanc de Blancs Brut
Dinner set包咗一杯welcome drink，係來自法國嘅sparkling wine，帶有桃、蘋果同梨嘅香味，飲落去有淡淡嘅花香同果香味，甜度同酸度適中，都幾開胃
🍊Sea Cucumber Meat
呢道fusion前菜賣相好吸引，用爽口彈牙嘅貴妃蚌做主題，配上鮮甜爆汁嘅三文魚子同營養豐富嘅豌豆，用柚子汁同XO醬做調味，上面用薯仔打成嘅分子泡沫同青檸檬泡沫做裝飾，味道同口感嘅層次都好豐富，集合鮮甜、清新、香辣嘅口味
🍊The "Tartare”
呢道前菜都係法式同港式嘅fusion菜，用鹿兒島和牛嘅肩胛里脊做牛肉他他嘅材料，混合港式沙嗲醬做調味，味道比平時食嘅他他更加濃郁，上面配四件好精緻嘅鵪鶉蛋加魚子醬，食落充滿鮮味，將和牛他他加上鵪鶉蛋魚子醬同薄米脆片一啖食晒，有豐富複雜嘅口感層次，完全係一種享受
🍊Pork Belly
主菜揀咗來自西班牙嘅黑毛豬五花腩，腩肉嘅肥瘦肉相間，慢煮後再再煎香層豬皮，令豬皮嘅口感煙韌而腩肉嘅口感柔軟，無需過份咀嚼，旁邊配上細細件嘅紐西蘭螯蝦，口感爽口彈牙，醬汁用咗味道清新嘅青蘋果蓉、開胃嘅香醋同芥末醬
🍊Rigatoni
意大利長通粉，口感煙韌，配上蕃茄蓉、洋蔥、蒜頭、芝士等配料，令到意粉嘅醬汁味道豐富，又酸甜又開胃
🍊Dessert
咖啡法式多士配雲尼拿雪糕，味道唔會太甜，賣相好吸引
📍灣仔電氣街1號恆德大廈UG樓B號舖
位置就腳：🍊🍊🍊🍊🍊
餐廳環境：🍊🍊🍊🍊
食物味道：🍊🍊🍊🍊
整體CP值：🍊🍊🍊🍊🍊
張貼
