143
3
2
等級4
904
0
2023-05-06 134 瀏覽
【灣仔區】【吳留手】大家都知我曾經喺居酒屋同靚女侍應傾偈,今次同個朋友去,佢竟然可以氹到個女侍應收工坐低一齊食,我真係不得不寫個服字。不過都係佢收工嘅事啦,值班中嘅話都唔好搞住人喇。我就當然做返本份,按分類寫返食物啦。「前菜」係 $32,有豆腐、青瓜、露筍之類,我冇乜點掂,不予置評。「冷盤」要咗 $88 嘅「水母刺身」,幾爽口幾好食,冇介紹錯。「佐酒小食」食咗三款,首先係$48 嘅「炸雞膝軟骨」,水份鎖得幾好,又夠脆,唔錯。跟住係 $58 嘅「明太子雞翼」,感覺普通咗啲,而 $98 嘅「明太子玉子燒」就顯得好食好多,又熱又香。「串燒類」都有三類,「雞」揀咗靚女侍應介紹嘅 $48 嘅「自家製免治雞肉丸」,果然係本店主打,點埋蛋汁幾好味。「牛」就揀咗 $68 嘅「厚牛舌芯」,唔算勁厚不過算燒得外脆內軟,幾好 feel。「素」類就要咗串 $48 嘅「焦糖海鹽菠蘿」,嘩,勁好食,個汁好夾!另外「燒物類」食咗 $98 嘅「法式鵝肝」,夠香濃夠邪惡,係好食嘅。最後係「是日精選串燒」,係 $58 嘅「汁燒左口魚群邊」,朋友話好正,但我就唔太好呢個口感。飲品方面朋友飲咗 $58 嘅「梅酒梳打」,我就飲
更多
【灣仔區】【吳留手】大家都知我曾經喺居酒屋同靚女侍應傾偈,今次同個朋友去,佢竟然可以氹到個女侍應收工坐低一齊食,我真係不得不寫個服字。不過都係佢收工嘅事啦,值班中嘅話都唔好搞住人喇。我就當然做返本份,按分類寫返食物啦。

「前菜」係 $32,有豆腐、青瓜、露筍之類,我冇乜點掂,不予置評。「冷盤」要咗 $88 嘅「水母刺身」,幾爽口幾好食,冇介紹錯。「佐酒小食」食咗三款,首先係$48 嘅「炸雞膝軟骨」,水份鎖得幾好,又夠脆,唔錯。

跟住係 $58 嘅「明太子雞翼」,感覺普通咗啲,而 $98 嘅「明太子玉子燒」就顯得好食好多,又熱又香。「串燒類」都有三類,「雞」揀咗靚女侍應介紹嘅 $48 嘅「自家製免治雞肉丸」,果然係本店主打,點埋蛋汁幾好味。

「牛」就揀咗 $68 嘅「厚牛舌芯」,唔算勁厚不過算燒得外脆內軟,幾好 feel。「素」類就要咗串 $48 嘅「焦糖海鹽菠蘿」,嘩,勁好食,個汁好夾!另外「燒物類」食咗 $98 嘅「法式鵝肝」,夠香濃夠邪惡,係好食嘅。

最後係「是日精選串燒」,係 $58 嘅「汁燒左口魚群邊」,朋友話好正,但我就唔太好呢個口感。飲品方面朋友飲咗 $58 嘅「梅酒梳打」,我就飲 $58 嘅「烏龍燒酒」,都係唔錯嘅,食呢啲嘢嘅情況冇啲酒精又唔得。

咁一人一杯呢款未必夠飲,之後仲飲咗一大一小嘅「三得利啤酒(白啤)」,大嘅 $88,細嘅 $68,懦夫如我當然係飲細嘅,哈哈。張單夾埋 $1089,三個人食嚟講唔算過份,雖然我哋都唔算最肚餓嘅狀態之下食,但係都 okay 啦。。。

(地址:銅鑼灣邊寧頓街5號地鋪)

#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am灣仔區 #銅鑼灣 #吳留手 #居酒屋 #水母刺身 #炸雞膝軟骨 #明太子雞翼 #明太子玉子燒 #自家製免治雞肉丸 #厚牛舌芯 #焦糖海鹽菠蘿 #法式鵝肝 #汁燒左口魚群邊 #三得利啤酒 #梅酒梳打 #烏龍燒酒 #1am0856 #1ambackup
7 瀏覽
0 讚好
0 留言
8 瀏覽
0 讚好
0 留言
4 瀏覽
0 讚好
0 留言
3 瀏覽
0 讚好
0 留言
2 瀏覽
0 讚好
0 留言
16 瀏覽
0 讚好
0 留言
50 瀏覽
0 讚好
0 留言
59 瀏覽
0 讚好
0 留言
14 瀏覽
0 讚好
0 留言
20 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食