滾爺火鍋 (上海街)

營業中

休息中

【滋補湯底火鍋】朋友食量唔大又喜歡靚湯底嘅火鍋，我諗滾爺合乎佢心水喇！餐廳裝修好新，地舖很方便，唔使迫等𨋢上。【貼心安排】坐低後手機落單，揀湯底，單點食物。有自助醬料區，豉油好好味。仲有圍裙給客人使用，非常貼心。【藥膳花雕醉雞鍋】最出名係椰子雞，不過朋友唔食椰子，所以我們揀咗藥膳湯底，濃濃花雕味，雞件仲好新鮮。加湯係加秘製濃湯，廚師用上靚豬骨雞腳熬製，入口滿滿骨膠原感覺。【手包西洋菜餃】西洋菜餃一直係我「飛佛」，但唔係咁多火鍋店有，咁啱呢間有呀，好開心呀！西洋菜味濃，菜肉比例適中，無多餘肥豬肉，伴少少湯食，好襯個湯底！【讚岐烏冬】靚湯底一定要加個烏冬，烏冬非常滑身，而且吸收晒湯底精華，令火鍋都變得暖暖。【台式三寶丸】芝士牛丸、金沙魚丸、香芋包心貢丸，各有特色，我最喜歡金沙魚丸，但咬開時要小心，金沙爆開會好熱的。