更多
2023-05-03
2353 瀏覽
【深水埗區】【新華茶餐廳】我作為一個負責任嘅 foodie,帶家慈去食嘢梗係唔會淨係帶啲懶貴價嘅西餐。而我同時亦都係一名茶餐廳 foodie,所以點都要同佢食吓茶餐廳。今次嚟長沙灣呢間,一邊嚟佢就一邊鬧,因為我哋係搭鐵嚟,係真係好鬼遠。去到我叫咗個 $48 嘅「特餐」,有「沙嗲牛肉麵」同「火腿奄列」,都係普通料。反而加 $2 要嘅「牛油多士」幾好食,個包好得。嘢飲我飲「荷蘭唂咕」,唔係度度有得飲正宗唂咕,佢比熱朱古力冇咁甜同埋香濃啲架,正。家慈就食咗份「下午茶餐」,係 $35 嘅「法蘭西多」,提一提佢揀煉奶西多,因為佢唔太中意糖漿,佢只係食我朋友送嗰枝加拿大楓糖漿。而呢件西多都係贏個包,家慈好中意,特別強調個包本身好好食,係成件事嘅關鍵。我食吓就覺得方包好特別,同家慈講應該係佢哋自己整,家慈唔信,問吓侍應哥哥。原來全部都係由三位麵包師傅親手製作,冇加防腐劑,所以質感特別好。而家慈個餐有嘢飲嘅,我推薦佢飲「熱奶茶」,係真係好飲,勁香。但家慈欣賞埋佢夠細杯,因為佢飲唔得多,真係攪笑。另外我哋仲叫咗一人一件 $9 嘅「熱辣蛋撻」,兩個都係酥皮因為曲奇皮賣晒。而啲蛋撻嘅味道都唔錯,幾厚實同夠蛋
去到我叫咗個 $48 嘅「特餐」,有「沙嗲牛肉麵」同「火腿奄列」,都係普通料。反而加 $2 要嘅「牛油多士」幾好食,個包好得。嘢飲我飲「荷蘭唂咕」,唔係度度有得飲正宗唂咕,佢比熱朱古力冇咁甜同埋香濃啲架,正。
家慈就食咗份「下午茶餐」,係 $35 嘅「法蘭西多」,提一提佢揀煉奶西多,因為佢唔太中意糖漿,佢只係食我朋友送嗰枝加拿大楓糖漿。而呢件西多都係贏個包,家慈好中意,特別強調個包本身好好食,係成件事嘅關鍵。
我食吓就覺得方包好特別,同家慈講應該係佢哋自己整,家慈唔信,問吓侍應哥哥。原來全部都係由三位麵包師傅親手製作,冇加防腐劑,所以質感特別好。而家慈個餐有嘢飲嘅,我推薦佢飲「熱奶茶」,係真係好飲,勁香。
但家慈欣賞埋佢夠細杯,因為佢飲唔得多,真係攪笑。另外我哋仲叫咗一人一件 $9 嘅「熱辣蛋撻」,兩個都係酥皮因為曲奇皮賣晒。而啲蛋撻嘅味道都唔錯,幾厚實同夠蛋香。夾埋食咗 $103,家慈話佢一定會再搭車嚟食喎。。。
(地址:長沙灣)
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am深水埗區 #長沙灣 #南昌 #特餐 #沙嗲牛肉麵 #火腿奄列 #牛油多士 #荷蘭唂咕 #下午茶餐 #法蘭西多 #熱奶茶 #熱辣蛋撻 #酥皮蛋撻 #1am0973 #1ambackup
41 瀏覽
0 讚好
0 留言
張貼