Big Fernand (已結業)

【法國burger有驚喜】咪話法國餐一定係食得耐又貴，法國既burger原來都好出名，一向對burger有要求既你，不妨試下！Le Bartholome牛肉漢堡餐入面仲有煙肉，半融芝士，焦糖洋蔥和法蔥仔，今次叫左3成熟，牛味好濃郁，肉汁「咇」哂出黎，WTG最欣賞就係入面既煙肉，每啖咬落去都食到「脆惡惡」，增添口感層次。旁邊既薯條都非常有誠意，份量多到「爆」出黎，而且係粗薯條，食落特別有口感，上面既秘製調味粉及香草粉好惹味。再連埋飲品，檸檬味，勁多氣，一啖包，一條薯條，一啖氣水，好滿足！