影片
更多
2023-05-08
81 瀏覽
讀書嘅時候好鍾意嚟兆萬食嘢，後來返工就少咗過嚟🤣今次同朋友約放題就咁啱簡咗呢間餐廳，入面除咗日式料理外，仲有泰式西式，價錢加埋一都係人均$312，真係一次過滿足多個願望🤣CP值好高———————————————🌟日式和牛壽喜燒鍋佢入座就送兩個鍋比你簡，我哋就選擇咗壽喜燒。和牛嘅品質不過不失，不過就特別在大家可以放題價錢就體驗到真正嘅壽喜燒操作。.🌟刺身拼盤刺身種類都算多，個人認為最好食係帶子、螺肉同白刀貝，感覺都好新鮮好鮮甜。擺盤上面餐廳都好有心思，用嘅碗碟非常精緻再配上乾冰特效，最適合大家放題打卡😍.🌟燒物及炸物類燒肉串食落幾惹味，羊架超大件，建議放題真係一人一件差唔多，炸雞軟骨炸得都好香脆。另外想推介比大家燒菠蘿，老實講佢菠蘿本身唔算甜，但佢出面另外加咗糖漿去燒，變成一塊甜嘅脆皮，咬落去連埋菠蘿嘅微酸真係好好食。.🌟甜品必點必點必點心太軟！心太軟唔記得影返相，但佢係四四方方一小件，基本上係有翻熱，熱熱地咁食入面嘅朱古力軟心都慢慢溶化，好食到我係極飽嘅情況下都忍唔住叫多一轉😂另外仲附贈咗兩個雪糕，我地分別簡左一個Movenpick同一個Dryer D collection雪糕😍.🔸整
讀書嘅時候好鍾意嚟兆萬食嘢，後來返工就少咗過嚟🤣今次同朋友約放題就咁啱簡咗呢間餐廳，入面除咗日式料理外，仲有泰式西式，價錢加埋一都係人均$312，真係一次過滿足多個願望🤣CP值好高
———————————————
🌟日式和牛壽喜燒鍋
佢入座就送兩個鍋比你簡，我哋就選擇咗壽喜燒。和牛嘅品質不過不失，不過就特別在大家可以放題價錢就體驗到真正嘅壽喜燒操作。
.
🌟刺身拼盤
刺身種類都算多，個人認為最好食係帶子、螺肉同白刀貝，感覺都好新鮮好鮮甜。擺盤上面餐廳都好有心思，用嘅碗碟非常精緻再配上乾冰特效，最適合大家放題打卡😍
.
🌟燒物及炸物類
燒肉串食落幾惹味，羊架超大件，建議放題真係一人一件差唔多，炸雞軟骨炸得都好香脆。另外想推介比大家燒菠蘿，老實講佢菠蘿本身唔算甜，但佢出面另外加咗糖漿去燒，變成一塊甜嘅脆皮，咬落去連埋菠蘿嘅微酸真係好好食。
.
🌟甜品
必點必點必點心太軟！心太軟唔記得影返相，但佢係四四方方一小件，基本上係有翻熱，熱熱地咁食入面嘅朱古力軟心都慢慢溶化，好食到我係極飽嘅情況下都忍唔住叫多一轉😂另外仲附贈咗兩個雪糕，我地分別簡左一個Movenpick同一個Dryer D collection雪糕😍
.
🔸整體評價🔸
材料唔係話用好高質嘅材料，但好多款式同埋味道都唔錯，有好多西式泰式我都叫唔曬，無辦法逐一介紹比大家。服務方面個人認真幾乎係去過最好嘅一間，出餐好快，員工都好熱情，推薦大家旺角放題真係不妨考慮呢間餐廳❤️
張貼
