影片
更多
2023-03-09
47 瀏覽
今日約咗朋友去旺角打算食日本野，但因為本身約咗按摩所以想食快少少，就俾我openrice見到呢間人均$100-$200嘅餐廳。———————————————🌟初見香草吉列牛配白飯 $138 (轉拉麵+$8)呢個吉列牛係用石燒佢，有牛嘅油脂比您先塗一塗個石面先，然後就可以開始燒牛肉喇！吉列好香，唔會好厚皮，又可以自己控制熟成度，有得食又有得玩😆拉麵本身個湯底好濃，麵嘅硬度中等唔太特別，但整體都唔錯。.🌟安格斯牛肉鍋(味噌湯配白飯) $88牛肉鍋嘅性價比真係超高😍本身$88以為係果種好廉價嘅牛，但原來真係安格斯牛仲要份量都唔少，食落牛味都濃，隔離仲有一個特調醬汁酸酸甜甜比你點牛肉食。湯底唔算濃，但都足料，菜、金菇同豆腐果啲都齊曬。.🌟套餐+38 (包刺身+湯+飲品)呢個升級其實好抵，剌身有兩件三文魚、一件油廿魚同帆立貝，湯方面可以選擇麵豉湯或者南瓜湯，我個人簡咗南瓜湯，飲落好濃南瓜味，甜甜地而且一啲都唔稀。飲品方面相對就比較冇咩選擇，但成個套餐都係好抵。.🔸整體評價🔸服務方面都做得好好，出餐好快，而且店員都好好人。我燒肉嘅時候太慢所以個火熄左兩次，佢都好主動幫我換一個酒精啫喱。唯一唔好嘅地
———————————————
🌟初見香草吉列牛配白飯 $138 (轉拉麵+$8)
呢個吉列牛係用石燒佢，有牛嘅油脂比您先塗一塗個石面先，然後就可以開始燒牛肉喇！吉列好香，唔會好厚皮，又可以自己控制熟成度，有得食又有得玩😆拉麵本身個湯底好濃，麵嘅硬度中等唔太特別，但整體都唔錯。
.
🌟安格斯牛肉鍋(味噌湯配白飯) $88
牛肉鍋嘅性價比真係超高😍本身$88以為係果種好廉價嘅牛，但原來真係安格斯牛仲要份量都唔少，食落牛味都濃，隔離仲有一個特調醬汁酸酸甜甜比你點牛肉食。湯底唔算濃，但都足料，菜、金菇同豆腐果啲都齊曬。
.
🌟套餐+38 (包刺身+湯+飲品)
呢個升級其實好抵，剌身有兩件三文魚、一件油廿魚同帆立貝，湯方面可以選擇麵豉湯或者南瓜湯，我個人簡咗南瓜湯，飲落好濃南瓜味，甜甜地而且一啲都唔稀。飲品方面相對就比較冇咩選擇，但成個套餐都係好抵。
.
🔸整體評價🔸
服務方面都做得好好，出餐好快，而且店員都好好人。我燒肉嘅時候太慢所以個火熄左兩次，佢都好主動幫我換一個酒精啫喱。唯一唔好嘅地方係張台好細，所以要成日執返好啲位，但係整體性價比真係好高👍🏻
張貼
