餸記潮食 (已結業)

🍱精品六宮格🐟潮式凍魚🦆獅頭鵝拼盤🐖閩式紅糟肉🥬時令時疏🔥餸記炒飯🔸潮州打冷係咪一定要迫埋一齊，用摺凳圍住食呢？🤔近年其實都開咗唔少坐得舒服，有啲西餐格局嘅精緻潮州菜，今次推介呢間整體水準都非常高質❤️精品六宮格先試下唔同嘅前菜，秋葵爽甜，蕃茄仔一咬爆汁，而金錢肚調味恰到好處，都係好唔錯嘅選擇👍🏻潮式凍魚魚肉質似雞肉咁緊實，魚味頗濃，配埋黃豆醬食係好驚喜嘅嘗試！🔸到咗主菜方面，閩式紅糟肉係全餐最鍾意嘅一道餸❤️佢肥瘦適中，整得甘甜入味仲有小小酒香，餸飯一流😍咁個飯係揀咗餸記炒飯，有好多配料，例如蠔仔同墨魚肉等等，炒得火喉剛好，可以比十個讚👍🏻👍🏻最後食潮州嘢一定要試埋滷水嘢，呢款主要係鵝頸鵝翅，味道啱啱好唔會過咸，絕對都係誠意之作🤓