影片
更多
2015-05-13
1147 瀏覽
::::: 喬裝弘大校園學生Gor :::::.韓風中追風，好似只要加個「韓」字啲friend都會有興趣啲，仲有貴啲。早厭了排長龍甚至連隊都唔俾你排嘅貴價School food？呢間號稱香港首間嘅韓式Café，可能係你合眼緣嘅Oppa。..▼ 風從哪裡來？ ▼「NORAYO K.Café」---NORAYO韓文嘅意思係「玩」咁解，亦係韓燒BBQ 7080嘅新品牌，韓國老細，專誠將弘大(當地年輕人熱點 + 超多咖啡店)Feel嘅Cafe佈置搬到嚟香港，紅綠燈、公園、巴士站、外賣車……都幾特別同有弘大嘅悠閒feel~..▼ 醬汁紫菜飯卷 ($48) ▼樣靚味道正！份量比我想像中多，又colourful！入面嘅料都唔少，火腿、雞蛋、青瓜、甘筍、芝麻，加埋3款醬 (沙律、千島、韓色辣醬)任你點，可自由控制口味！..▼ 部隊拉麵 ($52) ▼“ 韓式部隊鍋湯底＋韓式拉麵 ”嘅組合，配午餐肉、雞蛋、茄汁豆、腸仔，其實所謂嘅拉麵同公仔麵冇乜分別…..好難唔好味，但隻蛋全熟真係扣晒分……！！另，真係超微辣，如果辣一點更惹味，唔係唔似韓國麵。 ..▼ 紅豆牛奶雪花冰 ($55) ▼如果太多牛奶味……奶
.
韓風中追風，好似只要加個「韓」字啲friend都會有興趣啲，仲有貴啲。早厭了排長龍甚至連隊都唔俾你排嘅貴價School food？呢間號稱香港首間嘅韓式Café，可能係你合眼緣嘅Oppa。
.
.
▼ 風從哪裡來？ ▼
「NORAYO K.Café」---NORAYO韓文嘅意思係「玩」咁解，亦係韓燒BBQ 7080嘅新品牌，韓國老細，專誠將弘大(當地年輕人熱點 + 超多咖啡店)Feel嘅Cafe佈置搬到嚟香港，紅綠燈、公園、巴士站、外賣車……都幾特別同有弘大嘅悠閒feel~
..
▼ 醬汁紫菜飯卷 ($48) ▼
樣靚味道正！份量比我想像中多，又colourful！入面嘅料都唔少，火腿、雞蛋、青瓜、甘筍、芝麻，加埋3款醬 (沙律、千島、韓色辣醬)任你點，可自由控制口味！
..
▼ 部隊拉麵 ($52) ▼
“ 韓式部隊鍋湯底＋韓式拉麵 ”嘅組合，配午餐肉、雞蛋、茄汁豆、腸仔，其實所謂嘅拉麵同公仔麵冇乜分別…..好難唔好味，但隻蛋全熟真係扣晒分……！！另，真係超微辣，如果辣一點更惹味，唔係唔似韓國麵。
..
▼ 紅豆牛奶雪花冰 ($55) ▼
如果太多牛奶味……奶味其實濃，但如果就咁食啲冰，只有淡淡的奶味，所以是另外淋奶上去的嗎 ?_? 不過又其實係大碗同好味嘅…..個碗上枱時已滿到漏奶，仲有好多大粒甜紅豆！同埋最正係上面嘅Oreo雪粒糕！兩個人食好夠了！
..
▼ 服務 ▼
星期日下午等咗5分鐘就有位，坐低冇耐就有人自動拎兩杯水嚟，呢點抵讚。另，*有靚仔Oppa waiter!!!點解男仔嘅皮膚都可以咁好ga呢???望上去又白又滑！！(兩眼發光mode)
.
*唯一不滿嘅係，其中一隻醬碟同拉麵碟，竟然是「崩」的……好礙眼……
.
.
▼ 留名跟進 ▼
**鎮店「蜜瓜雪花冰」超誇張，無論Size同價錢都係！我相信是好味的，但收成$120，都係等下次成班fd去時再試吧啦@@,,,,個人認為呢間嘢比較arm食飯後甜品…..作為傾吓計,談吓心嘅地點時不錯的。
張貼
