OPPA Coffee Bar Restaurant

營業中

休息中

今日去咗尖沙咀一間叫「OPPA Coffee Bar Restaurant」嘅餐廳食晚餐，餐廳位於尖沙咀嘅韓國街，附近有好多韓國餐廳同韓式凍肉舖。而呢間餐廳最出名嘅就係之前俾人報道過嘅芝士蛋漿熔岩炒飯，餐廳環境乾淨企理，不斷播住熱門嘅韓國歌曲，食住地道嘅韓國菜式，啱晒掛住韓國又未去旅行嘅朋友！🍊 雞肉蛋漿熔岩炒飯餐廳嘅招牌菜，配料我哋揀咗雞肉，餐牌上仲可以揀海鮮、泡菜、火腿蛋、秘製章魚蛋漿、激辣等配料。職員會用鐵板上熔岩炒飯，炒飯入面有紫菜、雞肉、杏鮑菇、青蔥等材料，之後加入蛋漿同芝士，再用火槍將芝士燒到溶化至帶點微焦，然後就可以將芝士拉絲同混合炒飯一齊攪拌。炒飯嘅調味足夠，每一啖飯都有芝士包裹住。🍊 泡菜魚糕拉麵用咗韓國國民金色鋁鍋去煮韓國拉麵，麵條嘅口感煙韌，湯底喺餐廳用咗3小時熬製嘅豬骨湯，味道有層次唔會太單調，配料有生雞蛋、泡菜、紫菜、芽菜、魚糕同年糕，成個配搭充滿韓國街頭小食嘅特色，用料簡單但味道窩心🍊 牛肋骨湯冬天飲呢一鍋牛肋骨湯非常暖胃，食完味道較膩嘅芝士炒飯之後，再飲味道較清嘅牛肋骨湯可以解膩，湯嘅味道較為輕身，但仍然飲得出牛骨嘅精華所在，牛肋骨斬件，近骨附近嘅肉較為肥