🌖Sapporo Premium Draft $48
食串燒真係唔少得啤酒，呢度嘅生啤$48本身都唔算貴，但仲要買一送一！即係$24 一杯，茶記飲品都咁上下價啦！
🌕川燒活蟶子 $58
必點！大推！蟶子大大隻，非常新鮮，熟度剛好，唔會太韌；川燒所以係有少少辣，不過下手唔會太重，唔會掩蓋蟶子嘅鮮味。
🌗牛油蒜蓉燒虎蝦 $48
虎蝦大大隻，味道穩打穩紮，但係在其他海鮮嘅比較下相對較為失色。
🌖鹽燒白鱔 $48
魚皮底下無乜脂肪，所以食落肉感較多，表皮燒得香脆，調味適中，可以encore。
🌖雞皮墨魚滑 $38
雞皮香脆無多餘油脂，另一面嘅墨魚滑彈牙無腥味，一啖食到兩種口感，係個唔錯嘅選擇。
🌗鹹蛋黃煎墨魚餅 $68
墨魚餅似乎都幾真材實料，麵粉感覺唔重，有理由懷疑佢係用左十成墨魚🦑，可惜墨魚餅比較薄身，減低左彈牙嘅口感，建議捨棄面積更取厚道；鹹蛋咪味道足但同墨魚餅較為分離，稱唔上係一個夾嘅組合。
🌖焦糖青蘋果鵝肝多士 $88
鵝肝油潤無渣，焦糖香甜無苦澀味，配上神來之筆青蘋果🍏唔會油膩，不過比例上重左少少少少🤏，薄返啲係油潤感同清爽之間取得平衡⚖️會更好。
🌖汁燒雞肉軟骨棒(付月見) $38
每啖都會食到軟骨爽脆嘅質感，醬汁唔會太杰，蛋黃似乎有先醃漬過，外層較堅挺內裡流心，流心嘅蛋黃包裹住雞肉捧更見濕潤，餘下嘅蛋汁應該要配返碗飯🍚黎食囉！
🌖厚切鹽燒牛舌腩 $48
嫩滑！平時牛舌👅外層總係較為粗糙，除去外層後整體質量提升，單價較高亦不無道理，調味適中唔會過鹹要你追酒飲👍🏻。
🌖黑蒜牛舌法蔥卷 $32
牛舌薄切一樣咁🉐，加埋蔥段清新爽嫩，不過黑蒜味未算突出。
🌗孜然豚肉莞茜卷 $22
莞茜新鮮份量頗多，但莞茜味又唔算好重喎🤔，不過欣賞佢嘅創意。
🌗牛油果豚肉卷 $28
牛油果🥑完熟軟滑，不過食落唔太夾🙈。
🌖檸蜜牛油包 $20
無澱粉質落肚真係會怕唔夠飽，餐廳除左有各式串燒竟然仲港式豬仔包脆脆！豬仔包表面烘得香脆，加埋大片牛油🧈，真係好邪惡😈，檸蜜甜度足，做甜品啱啱好。
