添好運點心專門店 (已結業)

因為下午好想食點心，於是就去食添好運🤤🤤唔知點解今日特別多人，都等咗差唔多十分鐘先有位。坐低就叫咗酥皮叉燒包、鮮蝦腐皮卷、叉燒腸、蝦餃、燒賣、鮑汁鳳爪、土魷肉餅飯同家鄉咸水角。最好食嘅當然係招牌酥皮叉燒包，外面係菠蘿包咁嘅質地嘅酥皮，入面啲餡啱啱好唔會多到漏，味道真係唔錯！而另一款推介嘅就有鮮蝦腐皮卷，啲蝦都彈牙嘅，加埋香口薄脆嘅腐皮又係好食到癲！而蝦餃燒賣等等嘅嘢就普通料啦，不過不失，埋單唔記得幾錢了，不過食物質素黎講就實會再返轉頭！