有間茶記响附近

營業中

休息中

今日去咗土瓜灣一間叫「有間茶記响附近」嘅隱世打卡茶餐廳食晚餐，餐廳嘅環境光猛企理，座位寬敞，而且價錢合理，以食物質素嚟講性價比幾高，適合一家大細平日過嚟食個港式午餐或晚餐。🍊 鮮菠蘿拔絲咕嚕肉呢道咕嚕肉係餐廳嘅招牌菜，上菜時有乾冰製造仙氣嘅效果，咕嚕肉嘅肉質鬆軟，甜酸醬嘅質地濃稠，容易做到掛汁同拔絲嘅效果，配料除咗有三色椒、洋蔥、罐頭菠蘿粒，仲未少見嘅新鮮菠蘿，令到配料嘅味道酸甜開胃，同甜酸醬完美配合🍊 紅燒頂鴿原隻燒乳鴿嘅乳鴿皮燒到好香脆，一隻斬成四件，乳鴿嘅肉質非常幼嫩，一啲都冇嚡口，而且乳鴿肉吸收晒紅燒乳鴿後嘅肉汁同油香，非常惹味，另外仲可以沾上淮鹽一齊食；而家惠顧任何一個晚市套餐，可以用優惠價$58加購一隻乳鴿🍊 金湯酸菜魚酸菜魚用咗口感爽滑嘅黑魚，金湯味道帶點微辣同微酸，非常惹味開胃，配料有大量嘅芫荽、雲耳、豆卜同腐竹，底下有紅薯粉，全部配料都吸收晒金湯嘅濃郁香味🍊 雲吞雞煲呢度雲吞雞煲真係好足料，用砂煲上菜可以令食物保持熱辣辣，雲吞雞煲嘅材料好豐富，雞肉斬成細件，肉質嫩滑，雲吞入面嘅蝦肉彈牙，娃娃菜亦都煮到好入味，雞湯嘅味道鮮甜，帶有胡椒嘅香味📍 土瓜灣浙江街19-23號旭