火鍋湯底共有六款選擇，包括皮蛋莞茜、沙爹、冬瓜排骨、豬骨、豆乳海鮮、人蔘雞、蕃茄同重慶麻辣，加$68蚊仲可以揀4格湯底添！
造型湯底十分可愛，聽聞仲有唔同造型，好似鴨仔、熊仔、狗仔等，建議Book位時可以問清楚 =]
店內有提供多款火鍋配料，好似火鍋配料就有蜆、海蝦、帆立貝同鯪魚滑，如果加錢食中日放題嘅話仲有生蠔、蟶子、東風螺、象拔蚌同墨魚滑選擇添！出面仲有一個火鍋配料自助區，有蔬菜同丸類等配料，食幾多夾幾多！
升級嘅日式放題主要分刺身、壽司、炸物、燒物同沙律！刺身有成十幾款，而且仲好新鮮，另外壽司同燒物都好好味，特別係火灸類壽司，必點！呢個升級放題值得加！
飲品方面亦係自取，款式都算多，甜品方面有雪糕同一口甜品可以自取！
