八鍋堂．中日火鍋專門店 (已結業)

又想打邊爐又想食放題？旺角呢間任食店就可以一次過滿足曬你嘅願望！除咗火鍋配料、刺身、燒物、炸物等任食之外，佢仲有「造型火鍋」，倒入熱湯之後，造型湯底會慢慢溶化！造型湯底仲有多款選擇，Book位個陣記住同店員查詢喇！火鍋湯底共有六款選擇，包括皮蛋莞茜、沙爹、冬瓜排骨、豬骨、豆乳海鮮、人蔘雞、蕃茄同重慶麻辣，加$68蚊仲可以揀4格湯底添！造型湯底十分可愛，聽聞仲有唔同造型，好似鴨仔、熊仔、狗仔等，建議Book位時可以問清楚 =]店內有提供多款火鍋配料，好似火鍋配料就有蜆、海蝦、帆立貝同鯪魚滑，如果加錢食中日放題嘅話仲有生蠔、蟶子、東風螺、象拔蚌同墨魚滑選擇添！出面仲有一個火鍋配料自助區，有蔬菜同丸類等配料，食幾多夾幾多！升級嘅日式放題主要分刺身、壽司、炸物、燒物同沙律！刺身有成十幾款，而且仲好新鮮，另外壽司同燒物都好好味，特別係火灸類壽司，必點！呢個升級放題值得加！飲品方面亦係自取，款式都算多，甜品方面有雪糕同一口甜品可以自取！