BURGA (屯門市廣場) (已結業)

今晚屋企無飯開，走左去同老豆食最愛既Burger🍔近近地去咗屯門市廣場food maze食新開既Burga🤪🍔Burga 麵包外皮烘過，外脆內軟，餡料全部double上😍，芝士同steak一向絕配，咬落邪惡又多汁，配上好健康既super food羽衣甘藍，口感好豐富，以$68黎講十分足料！•🍔軟腳蟹burga 你冇睇錯係叫軟腳蟹～唔係軟殼蟹😂即叫即炸既軟腳蟹，炸衣夠脆又唔厚，蟹肉反而厚身又啖啖肉😋都係配上羽衣甘藍，芥末醬既味道中和左羽衣甘藍既草青味，呢個配搭唔錯👍🏻•🍟紫薯條 出乎意料之外好厚切，真材實料，食落無普通蕃薯咁甜，炸得香脆又唔乾身，唔洗點醬都好食，一定要試下😍•🍗炸腐乳雞塊見個名就知呢個炸雞塊加左腐乳，不過腐乳味有點淡，無我想像中咁重口味🤣炸雞皮脆又Juicy，配上超人醬有另一番風味👍🏻•可惜當日無哂芝士黑松露醬，試唔到🥲已經諗好下次要試😝不過要留意既係由於所有漢堡同小食都即叫即整，記得要耐心等待😌