開胃菜有熟蝦同埋凍芝士三文魚，個熟蝦新鮮爽口，個凍芝士三文魚就香到暈！個煙燻味夾埋芝士嘅香濃，再加埋三文魚本身嘅咸香，absolutely perfect！
湯品揀咗98%野菌忌廉湯，加埋啲黑松露碎，個香味一陣一陣咁撲鼻而來，夾埋個綿密嘅口感，飲落去好滑好香，忌廉味都唔會太重，啲野菌粒粒都好有嚼頭，令到個湯質感層次豐富。
主菜必試招牌澳洲頂級和羊配蒜蓉香草醬薯角，份量好足！個羊扒七分熟，個肉質嫩滑多汁，香氣四溢！配埋個蒜蓉香草醬，味道層次即刻豐富咗好多。跟餐嘅薯角外脆內軟，沾埋蒜蓉香草醬食，香脆可口！配菜嘅瓜菜新鮮爽口，清甜可口。
薄餅揀咗四式芝士薄餅，個餅底薄脆香口，上面鋪滿四種唔同嘅芝士，每啖都cheese爆！個芝士濃香滑溜，配埋脆卜卜嘅餅底，叫人停唔到口。
最後嘅甜品係草莓藍莓蛋糕，蛋糕軟綿綿，cream香滑唔嗜甜，啲新鮮士多啤梨同藍莓酸甜可口，好提神！飲品方面我配咗杯香濃嘅咖啡，朋友就單點咗檸茶，兩款都幾啱feel。
凡高廚房嘅食物水準高，用料新鮮，廚師功架十足，裝修有格調，好適合約會或者朋友聚會。想食高質素嘅歐陸菜可以一試！
1
