8號茶居 (順發樓) (已結業)

去元朗探朋友，順道去飲茶同埋食一盅兩件，經過元朗巴士總站有間茶居 ［8號茶居］裝滿設計簡約優雅，感覺舒適。見到餐牌內嘅點心款式多又有新派點心，抵食而且又高質。8號茶居有傳統懷舊茶樓點心，仲有新派創意點心，又有優惠套餐選擇：2人套餐、蒸飯套餐、汽鍋燉湯套餐、孖寶套餐等，很抵食！懷舊糯米雞 🐤荷葉包裹糯米，糯米口感煙韌，配料有鹹蛋黃、雞翼、瘦肉，味道鮮香，而且十分足料。鮮蝦菜苗餃 🦐 菜苗餃皮喺透薄粉粿皮，晶瑩剔透，見到餡料飽滿，有鮮蝦同菜苗，蝦肉爽滑彈牙，菜苗好鮮甜，口感好fresh。蒜蓉粉絲蒸排骨 🍖聞到好香嘅蒜蓉味，排骨腍滑鮮嫩，粉絲吸收蒜蓉香氣及肉汁嘅鮮味，粉絲好入味同爽口。山竹牛肉球 🐮牛肉球好大嚿，咬落好多肉汁，底層嘅枝竹吸收肉汁更鮮味。雞蛋牛肉腸粉 腸粉嫩滑，腸粉包裹好多牛肉，又有雞蛋絲嘅香味，口感豐富。鵪鶉蛋燒賣 🐣燒賣好大粒，啖啖濃郁又多汁嘅豬肉，餡料仲鮮蝦嘅甜香，食埋鵪鶉蛋，非常滿足。8號茶居地址：元朗擊壤路17號順發樓地下H號舖